Diario Vasco

Debanaturak 'Naturan Hezi' proiektua erakutsiko du biztanleriari igandean

Urbiako basoak zuhaitz eta paraje ederrak eta interesgarriak ditu.
Urbiako basoak zuhaitz eta paraje ederrak eta interesgarriak ditu. / ANDER SALEGI
  • Goizeko hamaiketan egingo da aurkezpena Kultur Elkartean

Naturan Hezi, 2 urte eta erdi eta 6 urte bitarteko umeak naturan jolasteko, esperimentatzeko eta ikasteko proiektua da. Europa iparraldeko baso eskoletan edota hain urruti joan gabe Orendaingo baso eskola edo Mara Mara proiektuetan egongo litzateke oinarrituta.

Naturan Heziren oinarri pedagogikoak hauek dira; Haurren garapen prozesuei errespetatu: haurren berezko barne plana garatzen ziurtatuko duen giro lasaia eta segurtasun emozionala bermatzen duen ingurumena prestatu dute. Garapenerako ingurune estatiko ezta finkoa ez da ona, bizi prozesuak erraz jarrai-tzen duen ingurua eta maila guztietan aldaketak dakartzan ingurua bai ordea. Berezko jolas askea: egiten diren jolasak haurren garapenerako katalizatzaile nagusitzat jotzen dute Debanaturatik, bereziki bi eta sei urteko umeen arteko kasuetan, jolasean haurrak bere burua ezagutzen du bere izaera eta autonomia gara-tzen ditu. Bizi eta ikasi duena barneratu eta ikasten du, ingurumenean duen mundura egokitzen da, esperientziak berriro bizitzen ditu eta tentsioak egozten ditu. Naturarekiko kontaktua: haurrak bereziki, garai honetan naturarekiko sentiberak dira. Naturak mugimendurako eta zentzumenen bidezko pertzepziorako kalitatezko guneak eskain-tzen ditu leku itxietan lortzeko zailak direnak.

Naturarekiko harreman jarraituak identifikazio eta kidetasun zentsua sortzen du, noizbehinka bisitaldiekin kostata lortzen dena. Horrek suposatzen du ia berehala inguru naturalekiko errespetuzko jarrera eta jokaera bilakatu egiten dela, helduen azalpenak eta bitartekaritza beharrezkoa izan gabe.

Baliabide naturalak

Proiektu honen ekintzak, debako hondartzan, Alamedan, Casacampoko natur gunean eta herritik gertu dauden basoetan egingo dira. Bertan aurkitzen diren aire libreko espazioak eta bazter naturalak naturarekin harreman estua eskaintzen die partaideei. Alde batetik kostaldearekin, hondartzarekin harremana eta bestetik, landaretzaz beteriko basoak aurki daitezke, non animalia espezie desberdinak bizi dira. Gainera, Osioko erreka edota Debako itsasadarra eskuragarri daude. Horrela debako inguruak umeen ikasketarako balore handikoa den baliabide naturalak eskainiz.

Eguraldi txarra egiten duenean edo taldearen adinen arabera, aterpea erabiliko da, hau da, Debanaturako Gela Berdea. Lokal horrek gune desberdinak eskaintzen ditu; jarduera plastikoen gunea, egituraketa materialen gunea, motrizitate marduleko gunea eta jolas sinbolikoen gunea.

Espazioa horrela prestatzea pentsatu dute Debanaturatik, umeek erosoago egon daitezen. Horrez gain, lokalaren kanpoaldean patio eder bat dago, non aire librean jolasak egiteko aukera izango dute partaideak.

Proiektu berri honen aurkezpena igande honetan egingo da Kultur Elkartean. Printzipioz lehengo astean egin behar zen baina bertan bera geratu ondoren igande honetan egingo da. Ate irekiak izango dira beraz, ekintza honetara familia guztia gonbidatuta dago. Aurkezpena eta gero, «Enseñame pero bonito» dokumentalaren emanaldia egingo da eta ekintzekin amaitzeko Zurrumurru konpainiaren eskutik zirko jolasak eta klown ikuskizunak eskainiko dira 17:30etatik aurrera. Aurkezpenera hurbiltzeko interesa dutenek , eskatzen da debanatura@hotmail.com posta elektronikoan konfirmatzea edota telefonoz 695 783 565 deitzea asisten-tzia ziurtatzeko.

Recibe nuestras newsletters en tu email

Apúntate