Diario Vasco

Antzerki tailerrak izango ditugu herrian

Arno guraso elkarteak maiatzean antolatutako kale antzerkia.
Arno guraso elkarteak maiatzean antolatutako kale antzerkia. / A.Z.

Mendaron inoiz baino eskolaz kanpoko tailer eta ekin-tzen eskaintza handienetarikoa dagola ezin da ukatu. Orain arte zegoenari, aurten lehen aldiz an-tzerki eta gorputz adierazpen tailerrak gehitu beharra dago. Hainbat gurasok bultzatutako ekimen bat izan da eta hasieran deialdia wasapez egin zuten. Ekimenak erantzun ona jaso zuenez tailerra aurrera eraman zitekela ikusi zuten eta horrela gaur egun antzerki tailerrak bere 'forma' hartu du.

Momentuz 3 ordutegi desberdin izango dira talde eta lanaren arabera . Txikien taldea astearteetan elkartuko da 18:00etatik 19:00etara eta handien taldea asteazkenetan 17:30etik 18:30era. Bi egun hauetan psikomotrizitatea landuko dute eta gero ostiraletan, bi taldeak nahastuko dituzte antzerki musikala lantzeko. Ostiral hauetan hilero gai bat landuko da eta horren inguruan, mozorroak egin, musika eta dantzak prestatu, informazioa jaso eta bideoak grabatuko dituzte besteak beste. Ostiraletako saioak 17:30etik 18:30era izango dira.

Antzerki eta gorputz adierazpena lantzeak onura asko ekartzen ditu, segurtasuna eta autoestima lantzen dira, zentzumen guztiak libreki erabiltzea baimentzen du, irudimena eta sormena lantzen da, sozializazioan laguntzen du...

Norbaitek informazio gehiago jasotzea nahiko balu, Azpilgoeta auzoan dagoen kultur etxera hurbildu beharko litzake tailer egunetan, hau da astearteetan 18:00etatik 19:00etara eta asteazken eta ostiraletan, 17:30etik 18:30era.

Recibe nuestras newsletters en tu email

Apúntate