Diario Vasco

Jose Reyes Ramosek eta Naia Arranzek jaso zituzten margo lehiaketaren sariak

  • Guztira 23 lagunek hartu zuten parte lehiaketaren lehen edizioan

Urriko lehen egunean Mendaroko XXI. aire libreko margo lehiaketa jokatu zen. Guztira 23 lagunek hartu zuten parte, 14 urtetik gorakoak 15 lagun izan ziren eta 14 urtetik beherakoak, 8 lagun. Euskal Herriko probintzia desberdinetatik etorritako margolariek parte hartu zuten. Guztira 5 sari banatu ziren, 3 sari 14 urtetik gorakoentzat eta beste biak 14 urtetik beherakoen-tzat.

Lehen saria Leioako Jose Reyes Ramosentzat izan zen eta bigarren sariak Juan Berrope donostiarrak eta Udane Juaristi azkoitiarrak jaso zituzten. Bestalde, 14 urtetik beherakoetan, Naia Arranz erandiotarrak jaso zuen lehen saria eta bigarrena Mendaroko Naia Zubiaurre izan zen.

Udaleko teknikariak eta epaile lanetan jardun zuten Aitor Etxeberria eta Aitor Sarasketa oso pozik agertu ziren, batez ere 14 urtetik beherako partaidetza inoiz baino ugariagoa izan zelako.

Margo lehiaketa honetan eginiko lan guztiak ikusgai egongo dira, izan ere aste honetako ostiralean hasi eta urriak 16 arte, Lagun Betikoak elkartearen lokal txurian erakusketa izango delako. Astebukaeretan zabalduko da erakusketa, ostiraletik igandera 12:00etatik 14etara eta 18:00etatik 20:00etara bitartean.

Arratsaldeko klaseak

Atzo astelehena, Lehen Hezkun-tzako umeak eta baita Bigarren Hezkuntzako gazteak ikasturte honetako neguko ordutegiarekin hasi ziren. Orain arte goizez bakarrik joaten ziren eskolara eta atzotik ekainerarte goiz eta arratsaldez joan beharko dira.

Ludoteka

Ludotekaren ordutegia astelehenetik ostegunera izaten da eta bi ordu desberdin daude adinaren arabera, arratsaldeko 17:00etatik 18:00etara 4-7 urte bitartekoen-tzat zuzenduriko ordua izaten da eta 8-11 urte bitartekoentzat arratsaldeko 18:00etatik 19:00ak arte.

Recibe nuestras newsletters en tu email

Apúntate