Diario Vasco

Ondarru arraun elkartekoen gonbitea

Asier Irueta eta Gorka Kaltzakorta.
Asier Irueta eta Gorka Kaltzakorta. / A.Z.

Pasa den asteko ostiralean Ondarru arraun elkarteko bi kide Mendaroko gaztelekura etorri ziren, jende gaztea arrauna egitera animatzeko asmoz. Asie Irueta eta Gorka Kaltzakorta arraunlariak, gazteekin ordu erdiko solasaldi bat izan zuten eta bertan, arraun munduarekin lotutako hainbat xehetasun azaldu zituzten: ze kirol mota den, talde lanaren konzeptua, esfortzua, entrenamenduak, lantzen dituzten baloreak...

Gaztelekuaren helburu bat, gazte informazio txokoari bizitza ematea da eta honekin lotuta, kirol munduaren inguruan, gure herri eta ingurunean dauden eskaintza desberdinak lantzea nahi da.

Ondarruko arraun elkartekoek, gaztelekuaren helburuekin bat eginez, jende gaztea arraun kirola praktikatzeko luzapena egin zuten, bai neskei eta baita mutilei ere. Aukera eta ateak zabalik utzi zituzten, arraunean aritzea nahi dutenek elkartearekin harremanetan jartzeko esanez. Gainera gaur egun Ondarru arraun taldea inoiz baino entzunagoa da, izan ere, astebukaera honetan play off jokatu ondoren lehen mailara igo dira eta datorren denboraldian onenen artean lehian izango dira.

Euskaltegia Mendaron

Urtero bezala, Mendaroko udaletxea Elgoibarko Euskaltegiarekin batera, Mendaron euskerazko ikastaroak antolatzeko prest agertu da. Horretarako, etxez etxe izen emate orriak banatu dituzte, aste honetako ostirala izanik orri hauek jaso-tzeko azken eguna.

Ikastaroa, 3 maila desberdinei zuzendurik dago, ezer ez dakitenen-tzat, erraztasuna hartu nahi dutenentzat eta titularen bat lortu nahi dutenentzat. Maila desberdin hauetan gutxienez 8 ikaslek eman beharko lukete izena eta puntu honetan izaten dira arazoak, maila bakoitzak ez duelako kopuru minimoa betetzen. Horren ondorioz, aspaldian Mendaron ez dugu euskaltegirik izan.