Diario Vasco

Afrikar dantzen ikastaroa antolatzea nahi dute herritarrek

Afrikar dantzen erakustaldia egin zen.
Afrikar dantzen erakustaldia egin zen. / A. Z.

Iraila tailer aukera zabalakin datorkigu herrira eta iaz lehen aldiz antolatu zen Afrikar Dantzen ikastaroa berriro martxan jartzea nahi da.

Marie Toure emakume gineatarra izango litzateke berriro dantzan erakutsiko lukeena eta berarekin zuzenean tanborra jotzen Bibiche Sambou perkusiolaria arituko litzateke. Tanbor soinuak eta afrikar abestiak barneko erritmoak askatu eta gorputzak berehala mugimenduan jartzen dituzte. Dantza mota hauek ariketa fisikoaz gain, terapia bat da askorentzat, erritmo biziak strees eta antsietateak kentzen laguntzen bait dute. Aurreko urtean herriko jendeaz aparte beste herrietatik hainbat neska eta emakumek hartu zuten parte.

Mendarotarrok dantza hauen erakustaldi bat ikusteko aukera izan genuen Akelarre gauean eta gau magiko hartan enparantzara hurbildu ziren askok gorputza astintzen bukatu zuten. Talde bat biltzen bada Azilgoetako kultur etxean izango litzateke kutsoa, ostegunetan arratsaldeko 18:30etatik 20:00etaraino. Norbaitek ikastaroan parte har-tzea nahiko balu, aurrez 686.79.30.24 deitu dezala, taldea osatzen dabiltzalako.

Tope Natxion

Tope Natxion giza probetako taldea gaur arratsaldeko 18:00etan Kalbaixon erakustaldia izango da.

Oraingo honetan ekipo mistoak hartuko du parte, lau gizonezkok eta beste lau emakumek eta, beraz, taldeko zortzi pertsona hauek, Gorixoko ponixan aurka arituko dira bertan.

Animalia eta giza taldea bataz bestearen aurka, plaza gehien nork egingo duen lehian.