Diario Vasco
Ale ederra.
Ale ederra. / ZABALA

Tomate galantak Mendaroko baratzetan

Tomatea gure baratzeetako barazki preziatuenetarikoa da eta aurtengo udan inoiz baino «ederragoak» ageri dira. Jasaten ari garen euri ezari eta beroari esker barazki hauek ondo baino hobeto hasten ari dira gure herriko barazkietan. Tomatearen etsairik handiena hezetasuna da, baina uda lehor honek etsai honen desagerpena ekarri du eta ondorioz argazkian agertzen den bezalako tomate aleak baratzetan hastea posible izan da.

Gure baratzetako tomateei estimu handia diegu eta herritarrok tokiko tomate hauek nahiago ditugu, zapore eta mami gehiago dutelako, kolore eta usain handikoak direlako... jakin badakigu kalitatezkoak direla eta horrexeagatik kontsumitzaileok hurbileko barazkien alde gero eta gehiago egiten dugu.

Argazkiko tomatea, Mendaroko ortuzain batek bere baratzean aurreko astean jaso zuen eta honek 750 gramoko pixua zeukan. Lea Artibai aldean tomate landareak erosi zituela esaten du, aurretik landare hauek 'bereziak' zirela jakin zuelako. «Ale handiko eta bihotz formako tomateak ematen zituztelako» bere baratzean landatu omen zituen eta aurreikusi zuen bezala, tomate pieza bikainak jasotzen ari da. Itxura denen landare mota honek, tomate gutxiago ematen du baina ematen dituen aleak, beste landare batzuek ematen dituzten baino handiagoak dira. «Honelako tomate bat, nahikoa da entsalada edar bat prestatzeko». Zaporeaz galdetutakoan, «oso onak» direla azaldu du, «urik gabekoak eta tomate osoa mamiaz beterikoa».

Landare hauek zaintzerako orduan erabiltzen dituen trukoak eta sekretoak, bere izena bezala nahiago izan ditu isilik gorde-tzea baina bai aitortu du aurreko udazkenean Mendaron izandako Jakoba Errekondoren hitzaldiko eta bere liburuan agertzen diren orientazioak praktikan jarri dituela, «batez ere landareak ureztatzeko orduan».