Diario Vasco

Kulunka dantza taldea bueltan dator berriz ere

Kulunka dantza taldeak hilak 20an ikasturte berria hasiko du. Oraingoan eskaintza berriekin dator; helduentzat dantza klaseak emango ditu goizetan eta eguerditan. Klase hauetan hasteko ez da dantza egiten jakiterik behar, luzaketak landuko dira eta koreografia ezberdinak dantzatuz dantza estilo ezberdinak ikastea da helburua. 16 urtetik gorako edozein herritar apunta daiteke.

Klase berri hauetaz gain Kulunkak urteroko klaseak emango ditu; 4urtetik gorako haur eta helduentzat dantza klaseak. Ikasturtea irailetik ekainera izango da.

Matrikulak irekita daude talde guztietarako eta izena emateko edo informazio gehiago lortzeko kulunkadantza@hotmail.com helbidera idatzi edo Mapfreko bulegoan Alaitzekin hitz egin. Hala ere, urtero bezala kulunkak gaur bilera bat egingo du gurasoentzat eta ikasle berrientzat, kultur elkartean , arratsaldeko zazpietan.