Musikarien harrobia amaiezina da Mutrikun

Oso polita izan zen 2016ko jaialdirako prestatu duten 'Musikatu Bizitza' kanta eta koreografia. Gogoratu Donostia 2016 jaialdiaren barruan, Mutrikuko Musika Eskola mikroegoitza izango dela eta ondorioz europear musikariak izango ditugula herrian hurrengo urtean, eta ez hori bakarrik, izan ere Mutrikuko ikasleek 'Emusik' jaialdian ere parte hartuko bai dute seguruenik Anoetan ospatuko den jaialdi berezian.

Ondorengo jokoak ere bereziak izan ziren, izan ere txikiek mutilak animatzen bai zituzten, baina neskatoa gertatu zen garaile, eta horrek zerbait irakatsi beharko liguke. Atzo urteak betetzen zituzten Ane Benitez eta Eusebio Azkue zoriondu zituzten eta bukaeran denak merienda izan zuten.

Miren Beristain garaile

Musika Bandakoek berriz erabat bete zuten larunbatean Santa Katalina komentua, eta ohiko zozketa ere burutu zuten bandako bazkideen artean. Saria Bilboko Orkestra Sinfonikoak abenduaren 18an Euskalduna jauregian eskainiko duen kon-tzerturako bi sarrera eta bi lagunen-tzako afaria 'Etxanobe' jatetxean, eta berriro ere saria Miren Beristainentzat izan zen, beraz zorteko dabil musikari ohia.