Zeramikako ikastaroak laster izango dira abian

Maite eta Jone www.pottkeramika.com. / POTT
Maite eta Jone www.pottkeramika.com. / POTT

GALILEA ITSASO.

Urteak dira Pott Keramikako Jone Urainek eta Maite Salutregik bere artea partekatu eta bai haur eta baita helduentzako ikastaroak aurrera eramaten dituztela, hauei esker zeramikaren mundua gertutik ezagutu, esperimentatu eta artearekin disfrutatzeko aukera eskainiz. Orain ere ikastaroak antolatu dituzte, Itsasoko bere tailerrean zuzenean edo Zumarragako Zelai Arizti Aretoan ere aurrera eramango direlarik.

Itsasoko tailerrean asteartetan elkartzen ari dira dagoeneko, bai goizez edo arratsaldez ere norberak nahiago duen ordutegian. Taldetxoak ari dira lanean baina honetan parte hartzeko aukera zabalik jarraitzen du, interesa duten guztiek 615 756 666 (Maite) edo 688 633 627 (Jone) telefonoetara deitu edo pottkeramika@gmail.com helbidera idatzi besterik ez dute egin behar. Itsasoko tailerrean asteartetan aurrera eramaten diren tailerrak, goizeko 10:00etatik 12:00etara edo arratsaldeko 15:30etatik 17:30etara ospatzen dira.

Otsailean Zumarragan

Ez da lehenengo aldia eta erantzun ona izaten dute beti Pott keramikako tailerrak, eta oraingo honetan otsailetik aurrera Zumarragako Zelai Arizti aretoan egongo dira larunbatetan edo astelehenetan, oraingoan eskaintza bai heldu eta baita haurrei ere zabalduz.

Haurren kasuan ikastaroa otsailaren 4an hasi eta apirilaren 8an amaituko da. Talde kopuru minimoa hamar lagunekoa da eta konpromezua eskatzen dute behin ikastaroarekin hasi eta hau amaitzeko. Taldeak anitzak dira eta horregatik norberak aukeratzen du egin nahi duen lana, bere mailaren araberakoa, eta Pott-ekoek behar duen laguntza eta orientazio guztia ematen diote: pieza txikiak, handiak, eskulturak, katiluak... zabala da aukera.

Ikastaroa larunbatetan izango da goizeko 10:00etatik 11:30ak arte edo 11:30etatik 13:00ak arte, guztira 15 ordu; prezioa 26,89 eurokoa da.

Helduen kasuan berriz larunbatetan goizeko 10:00etatik 13:00etara aurrera eramango da taldea. Besta aukera bat badute helduek, otsailaren 6tik apirilaren 10a arte, astelehenetan, arratsaldeko 18:00etatik 20:30ak arte; prezioa 53,75 euro. Izena emateko Zelai Ariztira jo.

Contenido Patrocinado

Fotos

Vídeos