Ikastolako ikasle ohien topaketa hilaren 30ean

60ko hamarkadan eskola honetara joan ziren lehengo umeen argazkiak./IKASTOLA
60ko hamarkadan eskola honetara joan ziren lehengo umeen argazkiak. / IKASTOLA

Bazkarira joateko txartelak 25 eurotan salgai egongo dira gaurtik irailaren 15era bitartean

DVURRETXU.

Urretxu-Zumarraga Ikastolak bazkaria antolatu du datorren irailaren 30erako ikastetxearen 50. urtemuga ospatzeko ahalik eta ikasle ohi gehienekin.

Topaketa honetan ikasle ohiak eta irakasleak elkartu nahi ditu, baina Ikastolaren sorreran laguntzen aritu ziren guraso eta herritarrak ere gonbidatuta daude, nahi izanez gero.

Bazkarira joateko txartelak 25 eurotan salgai egongo dira irailaren batetik hamabostera bitartean Ikastolako eta Lizeoko idazkaritzetan, eta zenbait kafetegi eta tabernetan: Apain, 33, Ezkurra, Krak eta Arkupe.

Bazkaria Ikastolan bertan izango da irailaren 30ean (larunbata), 14:30etik aurrera. Aurrez, goizeko 11:00etan, harrera ekitaldia egingo da Lourdesko Ama elizan eta bertara hurbiltzen direnek Ikastola bisitatzeko aukera izango dute. Eguna behar den bezala amaitzeko, dantzaldia izango da 18:00etatik 20:00etara. Kontuan izan beharreko bi ohar garrantzitsu: batetik, topaketa 18 urtetik gorako ikasle ohiei zuzenduta dagoela, eta bestetik, gehienez 1.800 lagunentzako lekua izango dela.

Fotos

Vídeos