Ikastolako ikasle ohiek larunbatean egingo dute elkarretaratzea

Logo berria, urteurrena eta Kilometroak. /  FERNANDEZ
Logo berria, urteurrena eta Kilometroak. / FERNANDEZ

FJAG URRETXU.

Urretxu-Zumarragako Ikastolak 50 urte bete dituela eta, larunbat honetarako egun osoko ekitaldiak antolatu ditu. Goizeko hamaiketan hasiko dute eguna ekitaldi instituzionalarekin. Lourdesko Ama elizan, musika eta irudien laguntzarekin, ikastolaren orain arteko ibilbidea gogoratu, eta bide batez, aurrera begira dituzten erronken berri emango dute. Ekitaldi irekia izango da.

Otordua iritsi bitarte, ikastola eraberritua ikusteko bisita gidatuak antolatu dituzte. Ondoren, futbol zelaian, 1.200 lagun (egungo irakasleak, ikasle ohiak eta irakasle ohiak) hartuko dituen bazkaria egingo da. Bazkal ostean, dan-tzarako tartea eta hainbat opariren zozketa izango dira. Bazkaria 14:30ean hasiko den arren, 14:00etarako bertaratzea komeni da, gonbidatu guztiak futbol zelaian sartzeko denbora beharko baita. Horretarako bi ate izango dira: bata, 1976tik 1999ra jaio bitartekoen-tzat, eta bestea, 1975a baino lehen jaiotakoentzat. Oinez joateko gomendioa egin dute, ikastolan aparkatzerik ez da izango eta.

Contenido Patrocinado

Fotos

Vídeos