Argindar kontsumoa murrizten laguntzeko tailerra Urretxun

FJAG URRETXU.

Datorren abenduaren 19an herritarrei zuzendutako 'Gipuzkoa Argitu' tailerra egingo da Urretxuko KZgunean. Urretxun egingo den tailerrak norberak bere kontsumo datuak ezagutzea du helburu (zenbat kontsumitu duen edo noiz izan duen kontsumo mailarik altuena). Ezagutza horren bitartez kontsumo hori murriztu ahalko du, aplikatze zaigun tarifa egokituz eta kontratatuta duen potentzia egokia den edo ez ikusiz.

'Gipuzkoa Argitu' programaren helburua da argindar kon-tsumoaren murrizketa sustatzea era erraz eta soil batean, Gipuzkoako etxebizitza, komertzio eta enpresa txikientzako abian jarritako baliabideen bitartez.

Lortu nahi dena da eraginkortasun energetikoa areagotzea eta ahulezia nahiz pobrezia energetikoaren prebentzioa eta murrizketa lortzea.

Tailerra abenduaren 19an egingo da, arratsaldeko 18:30ean, Urretxuko KZgunean. Dohainik da eta bertara joan ahal izateko energia@uggasa.eus helbidean eta 943725216 telefonoan izena eman behar da abenduak 15 baino lehen. Informazio gehiago: http://www.gipuzkoaingurumena.eus/eu/argitu

Contenido Patrocinado

Fotos

Vídeos