Diario Vasco

Merkataritzan euskara bultzatzeko 'selfie'ak

Merkatari eta udal ordezkariak aurrera eramango duten kanpainaren berri ematen.
Merkatari eta udal ordezkariak aurrera eramango duten kanpainaren berri ematen.
  • «Euskaraz erosten badiozu eta berak euskaraz saltzen badizu atera 'selfie' berarekin!»

'Merkataritzan Euskaraz' kanpainaren arduradunek aurten proposatzen duten jarduera berri baten aurkezpena egin zuten asteartean Urretxuko Kultur Etxean. Mankomunitateko lehendakaria den Koldobike Olabide; Igor Zubillaga, Urretxuko zinego-tzia; Rosa Maiza, Zumarragako zinegotzia; ZingiZango Elkarteko Nekane Gonzalez,eta Zintzo-Min-tzo Elkarteko Sebas Iturriotz zeuden aurkezpenean, eta hauek hainbat merkatarirekin batera aurkeztu zuten proposamena: salerosketak egiten dituzten erosle eta merkatariei elkarrekin argazki bat ateratzea, hain zuzen ere. Azken bi urteetan Urola Garaian merkataritzan euskara erabiltzen duten 1.400 berezoren eta 99 establezimenduren irudiak jaso zituztela esan zuen Koldobike Olabidek, 'Euskaraz? Pozik gainera!' egitasmoaren bidez eskuratu dituzten datuak dira. Beraz, aurtengo egitasmoak jasotako erantzun horri beste bultzadatxo bat ematea izango luke helburu. Kanpaina berria orain hasi eta Aste Santura arte luzatuko dela esan zuten, eta hona hemen hitzez hitz luzatutako eskaera: «Euskaraz erosten badiozu eta berak euskaraz saltzen badizu atera 'selfie' berarekin!».

Hori bai, honako baldintzak bete beharko dira: 18 urtetik gorako edonork nahi adina 'selfie' bidali ahal izango du; hori bai, establezimendu bakoitzeko bat bakarrik. Merkatariek ere bidali ahal izango dituzte 'selfie'ak, baina bezero diren establezimenduetakoak, ez bere dendakoak. Gainera argazki edo 'selfie'kin batera bezeroaren telefonoa eta establezimenduaren izena bidali beharko dira.

Ekarpena eskertzeko, kanpainaren bukaeran 'selfie'ak bidali dituzten bezeroen artean txartelak zozketatuko dituztela argitu zuten aurkezpenean, 'selfie'tan ager-tzen diren dendetan gastatzeko.

Bukatzeko argazkiak bidaltzeko bi bide daudela argitu zuten; bata honako e-mailez: pozikgainera@gmail.com; eta bestea whatsappez 628 759948 telefono zenbakira. Salerosketetan euskara erabitzeko gonbita luzatu egin digute berriro ere, salerosketaren unea mobilean harrapatu, eta otsaila amaiera baino lehen, aipatutako helbidetara bidali ahal izango dugu.

Temas

Recibe nuestras newsletters en tu email

Apúntate