Diario Vasco
Lehiaketak. Iazko irabazleetako batzuk.
Lehiaketak. Iazko irabazleetako batzuk. / AGUADO

Abian dira Gabonetako XXVIII. Idazlan eta Krisma lehiaketak

  • Zumarragan edo Urretxun ikasten duten eskola-umeei zuzenduak, lanak abenduaren 2a baino lehen aurkeztu beharko dira

Urretxu eta Zumarraga Gabonetako XXVIII. Idazlan eta Krisma Lehiaketak abian dira dagoeneko. Zumarragan edo Urretxun ikasten duten eskola-umeek har dezakete parte lehiaketa hauetan. Idazlanari dagokionez, bi talde bereiziko dira bertan: A, LHko 3. eta 4. mailakoekin eta B, LHko 5. eta 6. mailakoekin.

Lehiakide bakoitzak lan bakarra aurkez dezake, beti ere euskaraz. A taldean orrialde bat gehienez, eta B taldean, bi gehienez. Gaiak honako hauek: A taldean: 'Olentzero nekatuta zegoen opariak banatzeaz'; eta B taldean: 'Poza eta tristura nahastu ziren Gabon haietan'.

Lehiaketan parte hartu ahal izateko orri berezi bana emango zaie lehiakideei, barrenean eramango duen eranskinean izen-abizenak, helbidea eta abar idazteko.

Datu hauek azaldu beharko dira: izen-abizenak, ikastetxea, maila, helbidea eta telefonoa.

Krisma lehiaketa

Krisma Lehiaketari dagokionez, hiru maila bereiziko dira: A Maila: LHko 1. eta 2. mailakoak; B Maila : LHko 3. eta 4. mailakoak ; D Maila: LHko 5.eta 6. mailakoak

Lehiakide bakoitzak lan bakarra aurkeztu ahal izango du. Lana egiteko garaian kontutan izan behar da zer den krisma bat: Gabonak zoriontzeko tarjeta. Beraz, lana gehienez A4 neurria duen kartulina, kartoia, papera edo antzeko material batean eginda egongo da.

Idazlanak zein krismak Zumarragako Zelai Arizti kultur etxean edo Urretxuko Aizpurunea kultur etxean aurkeztu beharko dira, abenduaren 2a baino lehen. Epaimahaiaren erabakia, bi kasuetan, abenduaren 23ean, arratsaldeko 6etan, Zumarragako Zelai Arizti kultur etxean ezagutaraziko da, eta ekitaldi berean sari banaketa egingo da. Epaimahaia Urretxu eta Zumarragako Kultura Batzordeek izendatuko dute.

Idazlen lehiaketako sariak honela banatuko dira: Bi taldeetan: 1. saria: diploma eta opariak; 2. saria: diploma eta opariak; 3. saria: diploma eta opariak. Krisma lehiaketaren kasuan ere sari horiek izango dira, talde bakoitzean (A, B eta D).

Epaimahaiaren erabakia aldaezina izango da, eta horrela erabakiz gero, sariak eman gabe gera litezke.

Saritutako lanak eta aipamen berezia jaso dutenak bi udalen webetan jarriko dira ikusgai. Norbaitek bere lana berreskuratu nahi izanez gero urtarrilaren 31 arte izango du aukera.

Recibe nuestras newsletters en tu email

Apúntate