Diario Vasco

Ttipi Etapa ekimena, bihar

Parte hartzaileak. Pasa den urtean lagun askok osatu zuten Ttipi Etaparen taldea.
Parte hartzaileak. Pasa den urtean lagun askok osatu zuten Ttipi Etaparen taldea. / URRETXUKO UDALA

Herriko adineko jendea kalera irten eta lagun artean ibiltzeko ohitura bultzatu nahi dute Tipi-Etaparen bitartez. Etxean gelditu beharrean, lagun artean paseatu eta ohitura osasuntsuak hartzeko aukera paregabea eskainiko dute.

Antolatutako ibilbideak lauak eta laburrak dira, helburua ariketa fisikorik egiten ez duten eta zailtasunak dituzten pertsonak mugiaraztea baita. Ibilaldiak asteko egun jakin batean egingo dira, asteazkenetan, hain zuzen ere, eta beti abiapuntu eta ordu bera (11:00etan) izango dute. Areizaga-Kalebarren plazan jarri duten Ttipi-Etapa seinalearen alboan bilduko dira eta beti izango dituzte kiroldegiko begiraleren bat eta herriko elkarteetako boluntarioak zain.

Bestalde, aipatu, monitoreak petoak eramango dituztela parte har-tzaile bakoitzarentzat, ekimenean parte hartzen dutenak identifikatu ahal izateko.

Beraz ekimenean parte hartu nahi dutenak, bihar, 11:00etan, Areizaga-Kalebarrendik abiatuko dira ibilbide bat egiteko. Aukeratutako ibilbideak ordu beteko iraupena izango du eta ez da izenik eman behar.

Urritik abendura bitartean, astean behin ibilbide gidatuak antolatu dira.

Recibe nuestras newsletters en tu email

Apúntate