Santa Ageda bezperako kantak abesteko entsegua egingo da gaur

Erronda. Santa Ageda bezperan kantu kantari. / YARTU
Erronda. Santa Ageda bezperan kantu kantari. / YARTU

MIRYAM GALILEA EZKIO.

Ohitura zaharrak bizirik mantentzeko intentzioarekin elkartuko dira aurten ere ezkiotarrak Santa Ageda bezperan, otsailaren 4an, kantak eta koplak gogoratzeko asmoz aurretik entsegu bat aurrera eramango delarik. Ezkioko Udalaren eta Yartu Kultura elkartearen (www.yartu.eus)eskutik antolatzen da ekintza hau oraingoan ere. Igandean, kopla zaharrak berreskuratuko dituzte eta Ezkioko kaleetan zehar arituko dira gazte eta helduek, eguna behar bezala amaitzeko Anduagako Goza ostatuan afaria ospatuko dutelarik.

Santa Ageda bezperako kantak gogoratu eta freskatzeko asmoarekin, entsegu bakarra aurrera eramango da oraingoan, hau gaur iluntzeko 19:00etan, udaletxeko aretoan egingo delarik. Ordurako iagndeko afaltiarren kopurua jakin beharko da. Izena emateko udaletxera deitu 943 72 13 03 telefonora.

Otsailaren 4an arratsaldean kaleak girotu ondoren Anduagako Goza tabernan bukatuko da erronda, hantxe afari-legea eginez: frijituak eta iberikoak, bakailaoa eta pasteltxoak izango dituzte. Afarian parte hartzeko gutxienez aurten hamabi urte bete behar izango dituzte gaztetxoek. Helduentzako prezio 15 eurokoa izango da eta adin txikikoek 6 euro ordainduko dituzte

Topaketa

Otsailaren 4an arratsaldeko 18:00etan Ezkion goiko auzoan elkartuko dira herritarrak eta bertan hasiko dira kopla zaharrak eta berriak kantatzen Joxe Agustin Elortza trikitia eta Iñaki Larrañaga panderoa jotzen arituko direlarik; gero Santa Luzia-Anduagan jarraituko dute euren ibilbidea: Udaletxea, Etxeberrialde-Miranda, Errekabarrena, Iturgain... eta Gozan amaitu.

Contenido Patrocinado

Fotos

Vídeos