Paseoa herriko ibilbideetan zehar

Itsasotik Alegira. Herribide zaharra igaro zuten, bertako ondarea ezagutuz eta azalduz. /  PILARE MUXIKA
Itsasotik Alegira. Herribide zaharra igaro zuten, bertako ondarea ezagutuz eta azalduz. / PILARE MUXIKA

MIRYAM GALILEA ITSASO.

Kirol jarduera desberdinetan parte hartzeko aukera zabaldu dute Itsasoko bizilagunek azken asteetan: taichi, pilates, zumba, dantza... eta hauen artean mendi martxak eta paseo taldea osatu dira, azken hauetako lehenengoa igandean ospatu zutelarik.

Hileko lehenengo eta laugarren igandetan bilduko da Itsasoko paseoa taldea, goizeko 10:00etatik 12:00ak bitartean, herri inguruak miatzeko. Kirol jarduerek urrian martxa hartu dutenez, lehenengo paseoa igandean (hilak 15) aurrera eraman zen, honetan hemeretzi lagunek, handi eta txiki elkarrekin, parte hartu zutelarik.

«Oso ederra izan zen igandean egin genuen lehen paseoa, herriko ibilbideetan lehena: Itsasotik Alegiraino herribide zaharra igaro genuen, bertan ditugun ondare guztiak erakutsiz, jasoz, interpretatuz... Egiluzeazpi, Epelde...», azaltzen du Pilare Muxika itsasoarrak. Giroa ere bikaina izan zuten eta ziur hurrengo igandea iristeko irrikitan egongo direla guztiak.

Herri Batzarra

Larunbatean, urriaren 21ean, arratsaldeko 19:00etatik aurrera Herri Batzarra ospatuko dute itsasoarrek, hau San Bartolome parrokiko korupean aurrera eramango delarik. Bertan gai desberdinak jorratuko dira eta Udaletik parte hartzeko deialdia luzatzen diete herritarrei.

Fotos

Vídeos