Mandubi-zahar baserrira bisita egiteko aukera asteburuan

Ekoizlea. Urteaga-Urkulegi baserrian GoiEko haragia; aurreko urtean bertara egin zen bisita. / GALILEA

'Abelzaintza eta haragi ekologikoa Goierrin' dokumentalaren aurkezpena gaur arratsaldean Ataunen

MIRYAM GALILEAITSASO.

Goierriko bizitza eta nekazaritza ekologikoaren X. hamabostaldia ospatzen ari dira aste honetan Ordizia, Zerain, Ataun eta Itsason, lau herri hauetan ekintza desberdinak aurrera eramaten ari direlarik.

Larunbatean aurrera egin zuen programak 'Osasuna izateko zaindu zure hesteetako bakteriak' tailerra eskaini zelarik Ordizian; igandean, berriz, azoka ederra izan genuen Zerainen, tailerrak, ikuskizunak, pintxoak... eta bestelako ekin-tza eskaintza zabalarekin goiz osoan zehar.

Gaur. Arratsaldeko 19
30ean Ataungo zineman 'Abelzaintza eta haragi ekologikoa Goierrin' dokumentalaren aurkezpena.
Larunbatean
Itsasoko Mandubi-zahar baserrira bisita eta dastaketa.

Asteartean, Goierriko baratzaren kontsumo taldearen aurkezpena izan zen Ordizian ere; atzo 'Cultura consciente' izenburupean hitzaldia izan zen Zerainen; eta gaur ekin-tzekin jarraituko dute, arratsaldean Ataunen elkartuz. Hala, 19:30ean Ataungo zineman 'Abelzaintza eta haragi ekologikoa Goierrin' dokumentalaren aurkezpena burutuko da, GoiEko (Goierriko Haragia) elkartearen ekoizleek parte hartuko dutelarik.

Goierriko haragian lau baserritar ditugu, hauetako bi itsasoarrak direlarik: Gorka Sasieta eta Garikoitz Aiesta. Esan bezala, Goierrin lau dira abeltzantza ekologikoan inskribaturiko baserritarrak, eta hauen helburua ekoizpen ekologikoa heda-tzea eta baserritar gehiago horretara animatzea da. Baserritar hauek erabiltzen dituzten elikagaiak, etxeko belardietan sortuak nahiz erositako zerealak edo belarkiak, ekologikoak dira, hau da, herbizida, pestizida edo ongarri kimikorik ez da erabiltzen berauek sortzeko eta, beraz, ez dago hauen hondakinik haragian ez inguruan.

Dokumentala gaur bertan estreinatzen da Ataunen, «baina Itsason ere hau ikusteko aukera izango dugu urriko azken asteburuan, honekin batera dastaketa eta bisitak ere egongo direlarik, bai herritar eta baita gainontzeko guztientzat ere», azaltzen dute Itsasotik. «Izan ere Biolur-en ate irekiak Itsason izango dira».

Mandubi-zahar

X. hamabostaldi honetako azken ekintza larunbat honetan egingo da Itsason. Iaz Urteaga-Urkulegi baserrietara egin ziren bisitak eta oraingoan Mandubi-zahar hobeto ezagutzeko aukera luzatzen dute antolatzaileek, honekin batera ere dastaketa bat egongo delarik. Garikoitz Aiestaren baserria da hau, abelzaintza eta haragi ekologikoarekin. Larunbateko bisitan parte hartu nahi dutenek hurrengo telefono zenbakira deitu beharko dute: 605 58 09 26.

Fotos

Vídeos