Lesio txikia gaindituta, Espainiako txapelketetarako prestatzeko unea

Aranburu. Hurrengoak Espaiainiako txapelketak izango dira. / A.A.
Aranburu. Hurrengoak Espaiainiako txapelketak izango dira. / A.A.

Tour de Fjords-etan eta Hammer Serieak izan dira azkenak, orain hilaren 25a arte atseden hartuko du Alex Aranburuk

DV EZKIO.

Atseden hartzeko denbora dauka orain Alex Aranburu ezkiotarrak, azken lanak Tour de Fjords eta Hammer Series-ak izanik, merezita duelako. Lesio txiki bat izanda ere lan bikaina egin du herriko gazteak. Norvegiako Tour-a amaitu berria, herrialde honetako Tour des Fjords-en parte hartu zuen Aranburuk. «Ziordotako ibilbideak Norvegiako Birakoen antzerakoak ziren, aldapa luzerik ez genuen eduki baina bai mendate motx asko. Gehienak puntuagarriak ez zirenak baina kilometroak pasa ahala karrera asko gogortzen zuten», azaltzen du ezkiotarrak.

«Egunero azken 30 bat kilometroak zirkuitu batean biraka ematen genituen. Lasterketa amaierak tensio handiakoak izaten ziren azken zirkuitu hauek herri barruetan izaten zirelako eta bide estuak eta bihurgune askokoak baitziren», bizitakoa laburtzen du.

Norvegiako Tourrean bezalaxe, lehenengo egunetan nahiko lasai ibili zela aitortzen du Aranburuk. «Nire helburua azken egunean zegoen. Egun gogorrena azkeneko etapa zen. Mendate luzeenak igotzen ziren honetan eta amaierak helmugan aldapatxo bat igotzen genuen. Norvegian hirugarren postua lortu nuen etaparen antzekoa zen hau. Horregatik lehen bi egunetan ahalik eta indar gehien gordetzeko esan zidaten eta halaxe egin nuen. Lehen bi egunetan taldeko esprinterrari kokatzen lagundu nion amaieran eta pelotoian helmugaratzen nintzen», azaltzen du.

Hirugarren eta azken etapan gogor egiteko intentzioarekin irten zen txirrindularia, baina lesio txiki bat izan zuen. «Karrera erdira aldera Akilesen tendoian molestia bat sentitu nuen. Lasterketako medikuek krema batekin eta mina kentzen saiatu ziren karreran zehar baina gehiagora joan zen mina. Azkenean ezin izan nuen lasterketa bukatu. Tendoi ingurua osoa hazita neukan eta kontraktura bat ere», dio tamalez. Tour de Fjords amaitu eta hurrengo egunean Hammer Series-ak hasten ziren. Lehenengo bi egunetan hamar kilometroko zirkuitu bati biraka egiten zituzten eta Aranbururen egoera kontutan hartuta bi egun hauetan atseden egiteko esan zioten. «Oso lasterketa biziak eta gogorrak egiten dira, bueltaro puntuak baitaude helmugan eta lehenengo biratik %100ean ateratzen gara. Eta azken eguneran taldeko erlojupekoa izaten da Hammer Serieak amaitzeko».

«Nire lesio txikia zela eta lehenengo bi egunetan atsedena eman zidaten ea errekupera-tzen nuen ikusteko. Azkenean taldeko erlojupekoan atera nintzen eta nahiko ondo erantzun zidan gorputzak. Lasterketa polita egin genuen, ez nuen molestiarik eduki eta hamabost taldetatik bederatzigarren amaitu genuen», dio Alex Aranburuk. Orain atseden hartzeko ordua iritsi zaio Ezkioko txirrindulari gazteari, hilaren 25ean Espainian hasiko diren lasterketak iritsi arte lasaiago egoteko aukera izango duelarik.

Contenido Patrocinado

Fotos

Vídeos