Kirol eskaintzaren inkesta entregatzeko azken eguna

Txirrindulariak proba batean.
Txirrindulariak proba batean.

GALILEA ITSASO.

Kirola sustatu eta praktikatzera animatzeko asmoarekin, kirol desberdinen zerrenda egin eta inkesta pasatu diete herritarrei Itsasoko Udalekoek, hau bete eta entregatzeko azken eguna gaur izanik.

«Udalerrien eskumen propioa da kirola eta kirol-jarduerak antolatzea eta sustatzea, eta erabilera publikoko kirol-ekipamenduak kudeatzea». «Testuinguru honetan, Itsasoko Udalak, kirol eta jarduera fisikoaren inguruan herritarron interesak jasoko ditu, horretan oinarritu eta 2017-18rako eskaintza finkatzeko», azaltzen dute Udaletik

Horrela izanda, hamar bat kirol eta jarduera osatzen duen zerrendarekin inkesta luzatu diete herritarrei, hauen nahiak eta gustuak zeintzuk diren jakin eta ikastaroak antolatzeko. Inkestak gaur bertan Itsasoko udaletxeko zein Alegiako elizatariko buzoian sartu beharko dira.

Eskaintza

Hamar kirol eta jarduera desberdin inguru aurkitzen ditugu luzatutako eskaintzan: mantentze- gimnasia, asteko paseo-taldea, mendi irteerak, zaldian ibiltzea, Yoga, Aerobic, Zumba, Dantz,a Pilates, Frontenis... edo beste aukeraren bat emateko proposamena ere.

Epea amaitu eta inkestak jaso orduko, modalitate bakoitzean interesa agertzen duten guztien artean bilera bat egingo da lekua, eguna eta ordua erabakitzeko; eta herrian talderik sortuko ez balitz, inguruko herri batera joateko aukera ere landuko da.

Fotos

Vídeos