Haurrek kirola sano egin dezaten, 'Gorputza Astinduz'

Dantzan. Inauterietan gorputza mugitzen. / GALILEA
Dantzan. Inauterietan gorputza mugitzen. / GALILEA

Ganbara Guraso elkarteak antolaturik, urritik aurrera martxan jarriko da egitasmo hau herrian

MIRYAM GALILEA EZKIO.

Ganbara Guraso elkartearen eta Ezkioko Udalaren eskutik, 'Goputza Astinduz' egitasmoa martxan jarriko da urrian, honetan bost eta hamabi urte bitarteko haur guztiek parte hartzeko aukera izango dutelarik.

Haurrek denbora librea kirolarekin uztartu dezaten, 'Gorputza Aztinduz' egitasmoa prestatu dute gurasoek. Kirola praktikatzeko aukera hau, urria eta maiatza bitartean jarriko da martxan Ezkion, ostegunetan arratsaldeko 17:00etatik 18:00ak bitartean aurrera eramango delarik, eta dagoeneko izena emateko aukera zabalik dago.

Helburuak

«Lehiakortasuna alde batera utzita, gure haurrak kirol, joko eta jolas desberdinetan murgiltzea dugu helburu. Eta gure herriak dituen ezaugarriak kontutan harturik, adin aniztasuna bultzatzea nahiko genuke», azaltzen dute Ganbara Guraso elkartetik.

Izen ematea zabalik dago eta parte hartu nahi izanez gero irailaren 6a, asteazkena, baino lehen egin beharko da Ezkioko udaletxera deituz 943 72 13 03 telefono zenbakira.

Epea amaitu orduko, izena eman duten guztiekin harremanetan jarriko dira antolatzaileek eta bilera bat antolatuko dute xehetasun guztiak azaltzeko. Harremanetan jar-tzeko, izena ematerakoan guraso bakoitzari telefono zenbaki bat ematea eskatuko zaio.

Fotos

Vídeos