'Handia13... argiak, kamara eta akzioa' uda arte museoan

«Handiak» filmaziotik aukeratutako hamahiru argazkiek baserria ezagutzera gonbidatzen dute erraldoiaren eskutik

DV EZKIO.

Ez da lehenengo aldia Igartubeiti baserriak zinemako kamerak, aktore eta aktoresak, besteak beste, izaten dituela lanean bere hormen artean. Azkena Handia filmarako grabatu ziren eszena batzuk izan ziren eta orain, egun horietan ateratako hamahiru argazki aukeratu eta Igartubeiti Baserri Museoak '#Handia13... argiak, kamara eta akzioa!' erakusketa prestatu du, hau aurreko ostegunean inauguratu zelarik.

Martxoaren 22an #Handia13... argiak, kamara eta akzioa! Igartubeitiren xarma zineman irudikatua erakusketa inauguratu zen. Igartubeitik adierazten duenak, teilatupe berean jaso ditu behin errealitate izan zena eta gaur fikzioaren bitartez biziberritu dena.

«Goya Sarietako aurreko edizioan Handia filmak lortu zituen izendapen kopuruari ohore egiten dion erakusketa honek, baserriko gune ezberdinetako, horien artean, sukaldeako eta arto lehortegiko filmazioko hamahiru argazki biltzen ditu», azaltzen dute museotik.

Horrez gain, filmaren gai nagusitik abiatuz, hezkuntza programa diseinatu dute, Lehen eta Bigarren Hezkuntzako ikasleek Gorputz Ani-tzen arazoa aztertu eta landu dezaten.

«Beste behin, ondarearen bitartez, gaur egungo gizarteaz hausnartzeko aukera dugu, iraganetik abiatuz etorkizunera begira», diote.

Erakusketa

Erakusketa hau abuztuaren 31 arte egongo da ikusgai Ezkioko Igartubeiti Baserri Museoan. Bertan filmaziotik aukeratutako hamahiru argazkiek baserriko gune ezberdinak ezagutzera gonbidatzen dute XIX. mendeko erraldoiaren eskutik.

Contenido Patrocinado

Fotos

Vídeos