Guztientzako mendi martxa asteburuan

Aurkezpena. Mendi Martxaren aurkezpena egin ondoren, taloak eta gaztainak dastatzeko aukera egon zen. /  AITZIBER ETXEZARRETA
Aurkezpena. Mendi Martxaren aurkezpena egin ondoren, taloak eta gaztainak dastatzeko aukera egon zen. / AITZIBER ETXEZARRETA

MIRYAM GALILEA EZKIO.

Ezkioko Udalaren eta Yartu kultura elkartearen eskutik, igandean arratsaldean EzkiON klubak asteburu honetarako antolatu duen Mendi Martxa Mistoaren aurkezpena aurrera eraman zen, jarraian gaztaina eta talo janaz gozatzeko aukera egon zelarik.

Herriko eskola zaharrean elkartu ziren herritarrak lasterketaren gora beherei buruz jakiteko eta aurkezpena amaitu zenean, Igartuerdiko Juanek Zufiriak egindako gaztaina erreak eta Guraso Elkarteko kideek prestatutako taloak dasta-tzeko aukera egon zen giro ederrean.

Mendi Lasterketa Mistoa azaroaren 25ean, larunbata honetan, goizeko 10:30etatik aurrera ospatuko da. Lehenengo orduan emakume eta gizonek 5'8 kilometroko lasterketa honetan parte hartzeko aukera izango dute, Santa Luzia auzotik abiatu eta Santa Marina hilerriraino egingo den bidea izanik; izena emateko aukera zabalik dago www.herrikrosa.eus helbidean. Lasterketa eguna baino lehen izena emanez gero 20€ ordainduko dira; dena den, egunean bertan izena emateko aukera ere badago 25€-en truke.

Helduek parte hartu ondoren, eguerdira aldera 0-12 urte bitarteko haurren txanda helduko da, hauek ere lasterketatxo batean parte har-tzeko aukera izanik. Amaitzeko, 13:00etan sari banaketa izango dugu herrian.

Gogoratzen da goizean zehar umezaintza zerbitzua egongo dela nahi duten gurasoek lasai parte hartu dezaten.

Contenido Patrocinado

Fotos

Vídeos