Goierriko Eskola Txikien festa, gurean

Herri Eskola. Eskolako jaialdia aurreko ikasturtean, irakasle, guraso eta ikasleen parte hartzaearekin. / DV
Herri Eskola. Eskolako jaialdia aurreko ikasturtean, irakasle, guraso eta ikasleen parte hartzaearekin. / DV

Txalaparta eta adarraren soinuaz hasiko dira gaur arratsaldean ekintzak Ezkion | Goierriko bost Eskola Txikien haurrek parte hartuko dute festatxoan, bertso, musika eta kirolak faltako ez direlarik

DV EZKIO.

Badira bizpahiru urte Ezkio eta Itsasoko Herri Eskola Goierriko Eskola Txikien parte izaten hasi zela eta ordutik, urtero antolatzen den festatxoan parte hartzen dute. Goierriko bostak (Olaberria, Gabiria, Itsasondo, Zerain eta Ezkio eta Itsaso), urtero txandakatuz, eskola txikiak bizirik daudela aldarriktzeko antolatzen dute festa, aurreko urtean Olaberrian ospatu, eta lekukoa Ezkio eta Itsasoko eskolak jaso zuelarik. Beraz aurten gurea da txanda eta gaur arratsaldean Ezkion, bertso, musika eta herri kiroletan parte har-tzeko aukera izango dute eskola hauetako familiek.

Egitaraua

Arratsaldeko 16:30ean hasiko da festa agurrarekin: txalaparta eta adarraren soinuak, Ezkio auzoko Elizako atarian bilduko ditu familiak, bertan bertso bat abestu eta Ezkioko umeek lekukoa Zerainekoei pasako dietelarik.

Ume jolasak hasiko dira jarraian, «itsasoko herri-kirolen parkea» izenburupean, zerrenda zabala eskainiz. Ezkioko frontoian, kirol hauek ezagutu eta praktikatzeko aukera izango dute haurrek: arraunketa, txalupan sartu eta ergometroz estropada egiteko; aingurak, txinga moduan eramateko; kukaina, mastara igo-tzeko; nasapunta, kukaina etzanean orekan ibiltzeko; txalupa, barrura sartu eta kulunkan nabigatzeko; kainaberak, mollatik arrantzan egiteko; uharteko lamia, sokazko olatuak sortzeko; balea xirrixta, bere bizkarretik irristatzeko; bolatokia, portuko txakolinean punteria probatzeko; orgatila, arrainaren salmentarako; lema, timoia, txalupa gidatzeko; eta azkenik talaiako behatokia, largabistatik begiratu eta ezkila jotzeko.

Jolastu, gozatu, eta sortutako gosea asetzeko, arratsaldeko 18:30etatik aurrera afari-merienda eskainiko da Ezkioko frontoian bertan, Eskola Txikien festa honi agur esanez.

Ezkio eta Itsasoko Ganbara Guraso elkartetik gogoratzen dute eskolako familiaren bat, nahiz eta apuntatuta ez egon, egun honetan festara joateko asmoa azaltzen badu, badaukala aukera. Horretarako eskertuko dute, aldez aurretik jakinaraztea Guraso Elkarteko zuzendarien WhatsApp taldean.

Contenido Patrocinado

Fotos

Vídeos