Goierri Mankomunitatean sartzen da Itsaso azaroan

Itsasoko udaletxea, ostatu gaineko solairuan. /  GALILEA
Itsasoko udaletxea, ostatu gaineko solairuan. / GALILEA

GALILEA ITSASO.

Hiru dira orain arte Itsason ospatu diren Herri Batzarrak, azkena aurreko astean aurrera eraman zelarik. Honetan gai ugari jorratu ziren, hauen artean Goieki Garapen agentzian eta Goierri Fundazioan parte hartzeko aukera.

Ekainean aurrera eramandako Herri Batzarrean gai hau aztertu, bozkatu, eta Uggasa edo Goieki agentzien aldeko eta kontrakoak ikusi ondoren, Goierri aldera jotzea erabaki zuten Itsasoko herritarrek. Azken hilabeteetan gai honen inguruan aritu dira lanean eta Gorka Sasietak azaldutakoaren arabera, hilabete honetan Goierrin ospatuko den Mankomunitate batzarrean Itsaso bertan sartzea adostuko da.

«Asesoria batek azterketa bat egin du, egoera ondo begiratuz, eta gure sarrera onartu dute, beraz azken pausoa da azaroko asanbladan onartuak izatea», azaltzen du Itsasoko alkateak.

Ofizialki Goiekin ez egon arren, foro eta lan talde desberdinetan parte hartzen ari dira dagoeneko: foro ekonomikoa eta industriala; Goierri telebistan albisteak azaltzen hasiak dira; gizarte foroa; hezkuntza eta lan munduaren uztarketa...

«Goitur Turismo dinamizatzailearen aukera ere hor dago. Behin bakarrik bildu gara eta oraindik ez dugu konkretatu zeintzuk izango diren gure baliabideak, baina hortan gaude», azaltzen du Pilare Muxikak, Itsasoko Komunikazio Ba-tzordetik.

«Egitasmo ugarietan parte har-tzen ari gara gaur egun dagoeneko; lekuren batean egon behar dugu eta naturak, zentzuak eta historiak, besteak beste, Goierri aldera bultza-tzen gintuen», azaltzen du.

«Itsasoren kokapena eta lotura historikoa ere ez dugu ahaztu behar, Gabiria eta Ormaiztegirekin duguna. Hauekin aspalditik egiten dugu lana eta honetan jarraitzen dugu elkarrekin proiektuak burutuz», Muxikak.

Fotos

Vídeos