Ia 30 ezkiotar hurbilduko dira hurrengo astean Pasaiara

Txangoak. Urtean pare bat aldiz antolatzen dira. / GALILEA

Udalak ostegunerako antolatu du txangoa eta izen-emate epea itxi da

GALILEA EZKIO.

Hurrengo ostegunerako antolatu dute Udalekoek txangoa, Pasaiara hurbildu eta egun pasa ederra egiteko asmoz. Izena emateko epea amaitu da dagoeneko eta 28 lagunek parte hartuko dute hitzordu honetan.

Goizeko 9:30ean herriko udaletxean elkartuko dira hilaren 28an, ostegunean, parte hartzaileak, eta Pasai San Pedroko Muguruza Ardoak tabernan izango dute lehenengo geldiunea, bertan pintxo tragoa egingo dutelarik. Jarraian, Albaola Itsas Kultur Faktoriara bisita gidatua egingo dute, txalupaz Donibanera pasa eta Ontziola jatetxean bazkaria egingo dute.

Bazkalostean paseotxo bat egingo dute, ondoren berriro ere txalupaz San Pedrora pasa eta etxerako bidea hartuko dute.

Fotos

Vídeos