Erretaularen aurkikuntzak gertutik ezagutzeko aukera

Aurkikuntza. Genealogia osoa bere izenekin. / PILARE MUXIKA

GALILEA ITSASO.

Hilabete batzuk dira San Bartolome parrokiko erretaularen zaharberritze obrekin hasi zela Equipo7 taldea eta denbora tarte honetan izandako aurkikuntzak anitzak izan dira, hauek guztiak erretaularen balioa areagotu dutelarik.

Pedro Luis Etxeberria Goñi historialariaren bisita izan da herriak jaso duen azkena. «Gauza asko ikasi ditugu bere ezaguerari esker, garrantzitsuena polikromia hain aberatsen margolaria Tomas de Oñate izan zela. Eskultura egin eta beste estilo batean, handik urte batzuetara, egina», azaltzen dute Itsasotik. Hemendik aurrera ikerketa lanak Etxeberria Goñik egingo ditu, bisita honetan egindako eskaerari baiezkoa eman ziolarik, «eta dagoeneko dokumentu berri batzuk topatu ditu», diote emozioz.

«Etxeberria Goñik uste duenez, Elejalde margolaria ere bertan izan zen. Sekulako balioa eman dio polikromiari eta oso elementu bereziak topatu ditu: Jesusen genealogia esate baterako... inon ikusi gabea», diote. Azken aurkikuntzen arabera, 1550. urtearen inguruan hasi zen Lizarazu erretaula egiten: «Dokumentu bat dago 1560. urtekoa non lehen zati bat ordaindu zitzaion, baina bukatu gabe oraindik... Eta Tomas de Oñatek 1570. urtera aldera edo margatu zuen. Ez dirudi alde handia dagoenik denboran baina estiloan bai; bi estilo obra berean...».

Bisitak

Egiten ari diren lana eta aurkikun-tza berrien azalpenak emateko, zaharberritze lanetan ari den Equipo7 taldeko zuzendaria den Javier de Miguelek bisita batzuk antolatu ditu egun hauetarako, taldeka antolatuta, andamioetara igo eta erretaula gertutik ikusteko aukera ere eskainiz. Gaur eta bihar izango dira lehenengo taldeen bisitak: gaur goizeko 12:00etan, eta arratsaldeko 14:00etan eta 15:00etan; gaur ere posible izango litzateke 18:00etarako bisita bat egitea. Hurrengoa ostiralean goizeko 11:00etan izango da.

Fotos

Vídeos