Biolur Ate Irekien jardunaldia igande honetan izango da

Ekologikoa. Produktu ekologikoak Itsasoko baserrietan./GALILEA
Ekologikoa. Produktu ekologikoak Itsasoko baserrietan. / GALILEA

Ekintza honekin lotuta bisita gidatutak, tailerra eta dokumentalak egongo dira larunbatean, egunean zehar, herrian

MIRYAM GALILEAITSASO.

Nekazaritza Ekologikoaren ate irekien jaia Itsason ospatuko da aurten, asteburuan zehar (bai larunbatean eta baita igandean ere) adin desberdinetara egokitutako ekintza ugari aurrera eramango direlarik.

Aurten Biolurrek, Gipuzkoako Nekazaritza ekologikoa sustatzeko Elkarteak, gure herria aukeratu du Ate Irekien jardunaldia urriaren 29an, igandean, ospatzeko. Hori dela eta, ospakizun honen ildoan eta itsasoarrek bertako baserriak eta ekoizpena ezagutzeko aukera izan dezaten, larunbatean, urriak 28, egitarau dotorea prestatu dute Udaletik.

Beraz, larunbat arratsaldean hasiko da martxa, hasteko lau baserritara bisita eginez. Arratsaldeko 15:30ean Itsason elkartu eta Mandubi-Zahar, Goiti, Urkulegi eta Hariztizabal baserriak bisitatuko dituzte interesdunek.

Bisita amaitu eta 16:00etatik 19:00ak bitartean herriko gaztetxoentzat pasta eta ogi tailerra aurrera eramango da Hariztizabalen.

Eguna ederki amaitzeko, 20:00etatik aurrera Goieko haragia dokumentalaren emanaldia izango da Ostatuko jangelan. Ondoren, Ostatuan Manuk prestatutako pintxo-potea hasiko da, herriko produktuekin egindakoa noski.

Igandean, Biolur

Hurrengo egunean, urriaren 29an, plazan karpapean, Biolur Ate Irekien Jardunaldia izango dugu: produktuen dastaketa, bisitak eta bestelako ekintzak ere izango dira nahi duten guztientzat.

Goizeko 10:30ean hasiko dira ekitaldiak, bertaratutako guztiei ongi etorria eman ondoren baserrietara bisita gidatuk egingo direlarik. Oraingoan Urteaga-Urkulegi (baratza, fruta eta behiak) eta Goiti (okindegia) hobeto ezagu-tzeko aukera izango dute bisitariek. Goitin gainera, haurrentzako tailerra aurrera eramango da.

Eguerditik hasi eta bazkaltzeko ordura arte produktu dastaketa hasiko da plazan, hau baserritarren azalpenekin aurrera eramango delarik. Produktuen artean gazta, haragia, ogia, marmeladak...

Goizean zehar ere pintxo poteaz gozatzeko aukera egongo da, bai ostatuan eta baita prestatutako txoznan ere.

Arratsaldeko 14:30ean bazkari herrikoia hasiko da Itsasoko plazan. Eskainiko den menua paella ekologikoa, postrea eta kafea izango dira. Helduek 12 euroren truke bazkalduko dute eta haurrek 6 euro ordainduko dituzte.

Bazkaria amaitu eta arratsaldeko 18:30ak arte luzatuko da festa giroa, musika faltako ez delarik.

Fotos

Vídeos