'Afrofusion' tailer berrian ezin gusturago ari dira eskolako haurrak

Afrofusion. Haurrek primeran pasa zuten tailer berrian. /  ARANTZAZU CALVO
Afrofusion. Haurrek primeran pasa zuten tailer berrian. / ARANTZAZU CALVO

Eskolaz kanpoko lehen ekintza da hau, hurrengo hiruhilabetean beste bat aukeratu ahalko delarik

MIRYAM GALILEA EZKIO.

Ugariak eta anitzak dira Ganbara Guraso Elkarteak bere sorreratik antolatzen dituen ekintzak: hauetako asko herri mailan aurrera eraman dira eta herritar guztiei disfrutatzeko aukera eskainiz; eta beste batzuk eskola barruan, bertako haur eta familiei zuzendutakoak izan dira. Azken hauen artean, lehenengo aldiz, Eskola Txikian eskolaz kanpoko ekintzak antolatu dituzte, eta lehenengoarekin hasi dira dagoeneko, Afrofusion izena duten klaseekin hain zuzen ere.

«Eskolaz kanpoko ekintzak antolatzeko zer egin behar genuen hasi ginen begiratzen, zeuden aukerak aztertuz. Eskola amaitu eta arratsaldeko lauretatik aurrera zerbait eskaintzea pentsatu genuen; probatzen joatea, urte osoan berdina izan ordez, hiruhilabeteka ekintza desberdin bat eskaini», azaltzen du Ganbara Guraso elkarteko kidea den Arantzazu Calvok.

Aurreko ikasturtean Break Dance saio bat izan zuten haurrek eta honek arrakasta handia zuela ikusita, dantza arlotik mugitzea pentsatu zuten gurasoek. «Informazioa biltzen hasi eta Urretxuko neska bat aurkitu genuen 'Afrofusion' egiten duena», dio. Leire Carrillorekin kontaktuan jarri eta klaseekin hasi ziren aurreko astean, ostegunetan ordu betez elkartzen direlarik haurrak.

Urteak darama Leire Carrillo mundu honetan, dantza estilo desberdinak jorratu dituelarik: jazz, funky, break dance, street dance, garaikidea, dancehall, salsa, herrialde ezberdinetako dantzak... Hauek guztiak batu eta bera gustukoena duena nabarmenduz estilo propioa osatu du urretxuar honek, Afrofusion-a hain zuzen ere. «Osotasunean 'afro' estilo bat neureganatzea lortu dut, gehien identifikatzen nauten dan-tzek bere sustraia afrikar komunitatean dute eta», azaltzen du..

Pasioa da Leirek musikarengan sentitzen duena eta sentimendu hori haurrei helarazi nahi die. «Dan-tza eta gorputza beti izan dira mundu osoko pertsonek euren sentimendu eta emozioak erabili izan dituzten bideak, eta neretzako hiz-kuntza internazionala da.

Tailerra

Dantzarekin gozatzea da ikastalo honen helburu orokorra. «Haurrek epairik gabeko gune batean dantzarekin gozatzen dute, eta arlo artistico eta kultural ezberdinetan murgiltzen dira», dio Carrillok.

Ugariak dira dantza eta musikaren bitartez landu daitezken gaitasunak eta hauen artean batzuk azpimarratu nahi izan ditu Afrofusion-eko irakasleak: haurren malgutasuna, erresistentzia, koordinazioa, motrizitatea, memoria, erritmoaren barneraketa, erlajazioa eta tentsioak askatzen laguntzen du ere, energia kanalizatzen, lotsa gainditzen, elkarbanatu eta taldean aritzen, beste cultura batzuetara burua irekitzen... besteak beste. «Etahau guztia musikarekin, estilo desberdinak ezagutu eta nahasteko, fusionatzeko azken finean», azaltzen du Carrillok.

Tailerra astean behin, ostegunetan, aurrera eramaten da eskolan bertan, klaseak amaitzerakoan hasten delarik. Gaur bigarren klasea aurrera eramango da eta honetan momentuz hamabi bat haurrek parte hartzen dute gustura.

Tailerraren antolaketa berdina izaten da egunoro: beroketa, teknika eta azkenik koreografia; orden hau jarraituz klase guztiak desberdinak eta aberasgarriak direlarik.

'Afrofusion' estilo berria hiruhilabete honetan praktikatuko dute haurrek eta hurrengorako beste bat aukeratu ahal izango dute: «aurrera begira beste proiektu batekin bueltaka ari gara orain, hau ere musikaren ingurun sartzea pentsatu dugularik», kontatzen digu Arantzazu Calvok.

Fotos

Vídeos