Diario Vasco

Familiei bideratutako ekintzak Igartubeitin

Familiei bideratutako ekintzak Igartubeitin
  • Bost eta 13 urte bitartekoei, eta haien senideei irekiko dizkie ateak baserriak

Igartubeiti baserriaren hezkuntza programak museotik sortzen diren praktikak eta hausnarketak biltzen ditu, haurrei zuzenduta. Martxoaren 25ean, arratsaldeko 16.30 eta 18.00 bitartean, tailer didaktikoa egingo dute Igartubeitin. 6 urtetik gorako haurrak dituzten familiei dago zuzenduta, origamia egiten erakutsiko duten tailerra.

Origamia tintarik, kolarik, ebakirik, tresnarik gabe eta elektrizitaterik gabe. Ezerezetik hasita tolestu eta sortzea, besterik ez, bi dimentsioetatik hiru dimentsioetara pasatzea eta opari bat inprobisatzea, geometria eta artea, matematika eta irudimena bateratuz, fase berean, hitzik gabe, aukera amaigabeekin. Hori guztia, hain sinplea, arrunta eta mugatua den zerbaitekin: paper zati bat. Rafa Rodrigok eskainitako tailerra, 3 euroko prezioan, eta deskontuak izango dituzte Igartubeitiko Famili Txartela aurkeztutakoek.

Bestalde, apirilaren 8rako 'Martintxo artista tailerra' antolatu dute, 7 eta 10 urte bitarteko haurrei zuzenduta. Tailer honetan, artistei irudimena askatzen lagunduko diete eta haiek, birziklatzeko materialak erabiliz, euren artelanak sortuko dituzte. Apirilaren 15ean, azkenik, gaileta tailerra egingo dute 5 eta 13 urte bitarteko haurrak dituzten familientzat, artisau erara egindakoak eta ingurumen hezkuntza kontzeptua landuaz.

Temas

Recibe nuestras newsletters en tu email

Apúntate