Diario Vasco

Anbulategi berriko obrak amaitzeko epea hamabost bat egun atzeratuko da ziur asko

Anbulategia. Egokitzapen obrak aurrera doaz.
Anbulategia. Egokitzapen obrak aurrera doaz. / GALILEA

Abenduaren 1ean hasi ziren Ezkio eta Itsasoko anbulategi berriko obrak, orain arte eskolatik gertu dagoen 'medikuaren etxea' hustu eta Errekabarrena auzoko lokalean kokatuko delarik berria, herriko haurreskolaren ondoan.

Idiazabalgo Construcciones Iparragirre da obrak aurrera eramaten ari den enpresa. Epeei dagokionez hasiera batean bi hilabete eta erdiko obrak izango zirela adierazi zuten, baina jarduneko alkatea den Jose Ignacio Etxezarretak adiera- zi digunez, arazo txiki batzuk izan direla eta hamabost egun inguru atzeratuko da obra.

«Isurbideen ahokadura egin behar izan da eta honengatik apur bat atzeratu da obra. Esan digutenaren arabera 15 egun gehiago izango dira gutxi gorabehera», dio Etxezarretak. Honen ondorioz, martxoaren hasieran amaituko dira anbulategi berriko obrak. Jakina denez, bitartean, orain arte bezala funtzionatzen jarraituko du Ezkio eta Itsasoko anbulategia, berria martxan jarri arte.

Recibe nuestras newsletters en tu email

Apúntate