Diario Vasco

Museoko famili tailerretako partaidetza areagotuz doa

Kandelak. Beharrezko osagaiak eta materialak ezagutu ondoren, bakoitzak bere kandela pazientziaz egiteko aukera izan zuen.
Kandelak. Beharrezko osagaiak eta materialak ezagutu ondoren, bakoitzak bere kandela pazientziaz egiteko aukera izan zuen. / IGARTUBEITI
  • Azken tailerrak oso jendetsuak izan dira, berrogeita hamar lagunek baino gehiagok parte hartu dutelarik

Jakina da hilabetean bitan aurrera eramaten direla Ezkioko Igartubeiti Baserri Musoan haur eta beraien familiei zuzendutako tailerrak. Parte hartzaileen kopurua oso aldakorra izaten da, beharbada tailerraren araberakoa edo eguraldiak ere zer esana izaten duelarik, baina azken boladan egin direnetan geroz eta jende gehiagok hartzen du parte, pasa berri den asteburuan berrogeita hamar pertsona baino gehiago elkartu zirelarik.

Indarrak batuz, Ezkioko Igartubeiti eta Urretxuko Aikur Erleen museoa elkarlanean aritu ziren azken asteuburuan interpretazio zentruan, oraingoan «kandelak egiten» tailerra eskaini zutelarik. Honetanhogei bat helduek eta hogeita hamahiru haurrek parte hartu zuten, guztira 50 lagun baino gehiagoko taldea osatuz. « Tailerra besteetan bezala arratsaldeko 16:30ean hasi zen iluntzeko 18:30ak arte. Lehenengo harrera egin genien familiei; ondoren, argizariaren jatorriaren inguruko azalpena etorri ziren; jarraiak kandelak egiteko unea iritsi zen; eta amaitzeko, merienda goxoa eskaini genien», azaltzen dute Igartubeiti baserri museotik.

Inauteriak

Hurrengo tailerra otsailaren 25ean ospatuko da, eta suertatzen den data aprobetxatuz, «Inauteri mitologikoak» eskainiko dute bertan, sei eta hamar urte bitarteko haurrei eta beraien familiei.

Tailer honetan jolas baten bitartez Euskal Herri mailan dauden pertsonaia mitologikoak ezagutu ahalko dituzte parte hartzaileek. Ondoren, inauteri mitologikoak ospatuko dituzte, horretarako egoerarako arropa eta apaingarriak osatuz.

Tailerraren prezioa 3 eurokoa izango da, Famili Txartelarekin deskontuak daudelarik. Honetan parte hartzeko aldez aurretik izena ematea komeni da, honetarako 943 72 29 78 telefono zenbakira deituz.

Temas

Recibe nuestras newsletters en tu email

Apúntate