Diario Vasco

Azken ukoak direla, Ezkioko Udalean aldaketak egongo dira

Bilkura. Ezkio eta Itsasoko herritarrez osastutako azken bilkura.
Bilkura. Ezkio eta Itsasoko herritarrez osastutako azken bilkura. / GALILEA

Urteko lehenengo Ezohiko Udal Osoko Bilkura aurrera eraman zen asteazkenean arratsaldean Ezkioko udaletxean, honetan hiru puntu jorratu zirelarik, hauen artean bi zinegotzi eta ordezko baten karguen uko egitea egonik.

Herri Eskola ondoan kirol kantxa egokitzeko proiektua eta ekonomiko-administratibo baldintza zehatzen plegua onartzearekin hasi zen bilkura asteazkenean. Lehenengo gai hau aho batez onartu ondoren, Itsasoko desanexioarekin zer ikusia duten gaiekin aurrera egin zuten. Ezkioko lehenengo bilkura edo Ezkio-Itsasoko azkena, dena dela, Ezkio eta Itsasoko bizilagunez osatutako azken bilkura izan zen asteazkenekoa.

Desanexio prozesua amaituta pauso batzuk falta dira oraindik Itsasok bere Udala osatzeko eta hauen artean, Itsasoko Udaleko Kudeaketa Batzordea osatzeko, bi zinegotziek euren karguari uko egin zioten asteazkeneko bilkuran, ordezkoen zerrendako hautagai batekin batera.

Gorka Sasieta eta Joxemaria Barrenetxea zinegotziek, eta Xabier Elgarresta ordezkoak uko egin zioten karguei. «Bi zinegotziek uko egin diote karguari. Hauen ordezkapenak egiteko hauteskunde batzordeari eskaera igortzea izango litzateke orain eman beharreko pausoa. Honetarako, hurrengoak zerrendan Joxemari Zumarraga, Xabier Elgarresta eta Iñaki Mendiguren dira; Xabier Elgarrestak ere uko egiten dionez zerrendan egoteari, hauteskunde batzordeari bidaliko zaion izendapen proposamena hurrengoa izango da: Joxe Mari Zumarraga eta Iñaki Mendiguren zinegotziak izatearena», azaldu zuen Martin Iparragirre idazkariak.

Urtarrilaren 10ean egingo da Diputatuen hurrengo kontseilua eta honetan, Itsasoko Udaleko Kudeaketa Batzorderako (udalbatza) hautagaien izenak onartuko dira, hauek Itsason aurrera eramandako galdeketaren ondorioz hautatutakoak izango direlarik: Gorka Sasieta, Joxemari Barrenetxea, Xabier Elgarresta, Anttoni Okariz eta Maixabel Olanga. Ondoren, Diputatu Nagusiak berak izango da Itsasoko lehenengo Bilkurarako deialdia luzatuko duena.

«Gaur bukatzen da ziklo bat. Eskerrak eman nahi dizkiet legegiltzaldi honetan, 2015-19 honetan, kide izan ditugun bi itsasoar hauek, azken finean orain arteko udalerri Ezkio-Itsaso izanda ezkioarrentzat eta itsasoarrentzat lan egitea tokatu zaigulako eta gainera gogor eta tinko. Gainera beraiek udaletxe honetan egoteak garrantzi handia izan du. Aurreko legegiltzaldian nik neronek behin baino gehiagotan ikusten nuen puntu ahuletako bat ni itsasoar bakarra izana zen eta honetara begira, desanexioa ere bidean zegoen prozedura bat izanik, nolabaiteko exigentzia edo nahia jarri genuen itsasoarrak bertan egotearen behar hori. Alde horretatik ere eskerrak, egindako lan guztiagatik eta hemendik aurrerako bidean ere zorionik onena eta zorte on etorkizunean», amaitu zen Garikoitz Aiesta Ezkioko alkateak.

Recibe nuestras newsletters en tu email

Apúntate