Diario Vasco

Gipuzkoa barnealdeko bailaren turismoa bultzatzen Intur-en

Intur. Barnealdeko bailarak bultzatzeko lanean.
Intur. Barnealdeko bailarak bultzatzeko lanean. / UGGASA
  • Balorazio oso positiboa egin dute; gure barnealdeko altxorrak geroz eta gehiago ezagutzen dira

Azken egunetan Valladoliden ospatu den Intur azokan izan ditugu Urola Garaiako ordezkariak lanean, hauek azaroaren 24tik 27ra bitartean Gipuzkoako Foru Aldundiaren standean, barnealdeko eskualde guztiak ordezkatzen egon direlarik.

Hamargarren edizio honetan barnealdeko turismoa izan da berriro protagonista, 750 enpresa ezberdinek, 1.000 stand inguruk eta ekin-tza ugarik lau egunetako programa osatu dutelarik. «Lehenengo bi egunetan turismo sektoreko profesionalei zuzendu izan da azoka eta galdera eskaerak Hiru Templuen ibildea eta Inaziotar lurralde eta bidearen inguruan izan dira gehien bat», azaltzen du Edurne Etxeberria, Turismo Arloko Koordinazio eta Dinamizazio Arduradunak». Asteburuan berriz, era guztietako publikoa izan dugu Gipuzkoako barnealdea ezagutzeko gogoarekin; gastronomia, mendi ibilbideak, nekazalturismoak, hiru templuen ibilbidea... izan dira gai nagusiak gure barnealdeko txokoan», dio.

Momentuz antolakuntzaren datuak jaso ez diren arren gogoratzerik dago aurreko urtean 44.157 bisitari jaso zirela. «Balorazioa oso positiboa izan da, eta azpimarratu behar dugu, gure barnealdeko altxorrak gero eta gehiago ezagutzen direla, jendeak baliabide zehatz batzuei buruzko galderak egiten dituztelarik. Badirudi Foru Aldundiko estrategia berria eta urteetan egindako lana, emaitz positibo hauen arduradunak direla», azaltzen du Edurne Etxeberriak.

Temas

Recibe nuestras newsletters en tu email

Apúntate