Diario Vasco

Imanol Manterola, aurtengo garaile

Irabazleak. Sarituen argazkia, irabazitako sariak eskuetan dituztela.
Irabazleak. Sarituen argazkia, irabazitako sariak eskuetan dituztela. / IGARTUBEITI
  • Hamasei argazkilariek parte hartu dute aurtengo lehiaketan; erakusketa, abenduaren 19tik aurrera

Igartubeiti Baserri Museoak, baserriaren arkitektura eta eguneroko bizimodua ezagutzeko guneak, IX. Argazki Digital Lehiaketa antolatu du 2016ko Sagardo Asteko ekitaldien barne, Argazki eta Ikatza Argazkilari elkarteen lankidetzarekin, eta larunbatean honen sari banaketa aurrera eraman zen Interpretazio Zentruan.

Guztira hamasei partehartzaile izan dira oraingoan, hamabi heldu eta lau gazte, eta edizio honetako lehen saria Imanol Manterolak lortu du, bere argazki bilduma onena izan delarik.

Ikatza elkarteko kideak eta Argazki elkarteko kideak osatu dute epaimahaia oraingoan eta hauen iritziz ondorengoa argazkilariak izan dira sarituak: helduen mailan bildumarik onena Imanol Manterolarena izan da, 200 euroko saria jaso zuelarik; bigarren bildumarik onena José Luis Ruíz -ena suertatu da, 150 euroko sariarekin; eta hirugarrena, Javier Quiros-ena 120 euroko saria jaso zuelarik.

Gazteen mailari erreparatuz, lehenengo bildumarik onena Unai Larrañagarena izan da, 80 euroko saria jasoz; bigarrena, Bingen Larrañagarena, 60 euroko sariarekin; eta hirugarrena Danel Manterolarena 50 euroko saria jaso zuelarik.

Sari banaketa amaitu eta parte hartzaile guztien argazkien proiekzioa bota zuten Igartubeitin bertan. Argazki hauek guztiak www.igartubeitibaserria.eus helbidean daude ikusgai momentu honetan. Abenduaren 19tik aurrera argazki guztien erakusketa jarriko da Igartubeitiko Interpretazio Zentruan ikusgai.

Recibe nuestras newsletters en tu email

Apúntate