Diario Vasco

Hurrengo igandera atzeratu dituzte Iburrekoek jokoak

Paseoan. Gaurko jokoen ordez, Ezkiora joango dira zaldiekin paseoan.
Paseoan. Gaurko jokoen ordez, Ezkiora joango dira zaldiekin paseoan. / IBUR
  • Guztira sei jokoetan parte hartzeko aukera egongo da, goizeko 11:00etatik 13:00ak bitartean aurrera eramango direlarik

Sei joku desberdinetan parte hartzeko aukera zabaltzen zuten gaurko Ibur Hipika Klubekoek baina ekintza bertan behera gelditu da, horren ordez paseoa egingo dutelarik.

Zaldien gainean sei jokoetan ibiltzeko jolas-eguna antolatu izan dute Iburrekoek gaurko, baina ahalik eta jende gehiena bildu ahal izateko, data aldatu eta hurrengo abenduaren 4an, datorren asteko igandea, aurrera eramatea adostu dute. Horren ordez eta elkarrekin ekin-tzaren bat burutzeko asmoz, gaur goizeko 10:00etan bilduko dira eta Ezkiora egingo dute paseoa.

Guztira sei izango dira goizean zehar hurrengo asteko igandean aurrera eramango diren jokoak: bi botilak, postaria, kartoia, run and ride, bi taza eta slalom.

Goizeko 11:00etan hasi eta bi orduko ekintza izango da hau, honetan parte hartzeko aldez aurretik izena eman beharko delarik, 663.06.00.11 telefonora deitu edo iburhipikakluba@gmail.com helbidera idatziz. Aurrera eramango diren jokuen inguruko edo bestelako azalpenak jasotzeko zuzenean Iburrera jo.

Baselizak

Hurrengo urteko ekintzei begira daude Iburren dagoeneko. Hauen artean batzuk prestatzen hasi dira jada, adibidez udazkenerako 'Baselizen ibilbidea' aurrera eramateko intentzioa dute. «Oraingoz zaldiz bisitatu ditugun baselizen argazkiak gehitu ditugu eta jendeak inguruko baseliza gehiago proposatzea gustatuko litzaiguke, ibilbidea osatuz», azaltzen du Iburreko Arantza Erzillak.

Zaldiz baselizetaraino iristeaz aparte honen inguruko azalpenak jasotzea ere gustatuko litzaieke, eta honetarako ere kontaktuak egiten eta lanean ari dira: «Turismo Bulegoko laguntza beharko genuke, baseliza horietara joatean azalpenak emateko adituren batekin harremanetan jartzerik balute...», diote.

Igandero baseliza bat bisitatzeko aukera ematea da plana eta orain arte ondorengoak sailkatu izan dira ekintza hau aurrera eramateko: San Lorentzoko baseliza, Kizkitzako Baseliza, Antioko baseliza, Santa Barbara, San Cristobal, Oletako gurutzea, Urbiako baseliza, San Adrian, eta Mandubi gaineko baseliza. Momentuz lanean ari dira ideia hau borobilduz.

Recibe nuestras newsletters en tu email

Apúntate