Diario Vasco

Durangoko Azoka bisitatzeko izena emateko azken egunak

Udan ospatutako txango batean.
Udan ospatutako txango batean. / YARTU

Ezkio-Itsasoko Udalaren eta Yartu Kultura elkartearen eskutik, Durangoko Azoka bisitatzeko aukera zabaltzen da aurten ere herrian, aurtengoan plana borobiltzeko, Basondo animalien babeslekua ere ezagutzeko aukera egongo delarik.

Irteera abenduaren 3an ospatuko da, eta honetan parte hartzeko izena emateko epea astelehenean bertan amaituko da. Txangoa goizeko 9:00etan hasiko da eta 15 euroko prezioa izango du, bazkaria aparte.

Goizeko 9:00etan bilduko dira udaletxe parean eta Durangoko bidea hartuko dute. Kalkulatzen dutenez goizeko 10:30ak inguru egongo dira Durangon eta goizean zehar liburu eta artisau azoka bisitatuko dute.

Arratsaldeko 13:00etan berriro bilduko dira eta Kortezubira joango dira, Marko erretegian bazkaria ospatuz; menua itxita dago eta honen prezioa 15 eurokoa da. Bazkaldu ondoren, Urdaibaien kokatuta dagoen Basondo animalien babeslekura joango dira.

Txango honetan parte hartu nahi duten herritarrek astelehena izango dute izena emateko azken eguna, honetarako udaletxera gerturatu edo 943.72.13.03 telefono zenbakira ditu.

Recibe nuestras newsletters en tu email

Apúntate