Diario Vasco
Trasteak Itsason.
Trasteak Itsason. / GALILEA

Herriko traste zaharren bilketa ostegun gauean aurrera eramango du Sasietak

Sasieta Mankomunitateak eskaintzen dituen zerbitzuen artean traste zaharren bilketa dago eta Ezkio-Itsasori dagokionez hilean behin jasotzen dira hauek, zehaztutako egunean bakarrik atera ahal direlak.

Hilebetero egiten da traste zaharren bilketa eta gure herrian hileko laugarren ostegunean gauean izaten da, hilaren 24ean, ostegunean, hain zuzen. Trasteak herriko auzoetan zehar kokatuta dauden zabor edukiontzien ondoan utzi beharko dira, edo beira edukiontziaren ondoan; gogoratzen da eskonbroak ateratzea debekatuta dagoela. Hauek jasotzera joan daitezen, Sasietara, 943 16 15 55 telefonora, deitu beharko da aldez aurretik non dauden esanez.

Traste zaharrak, hau da, altzariak, etxetresna elektrikoak... eta bestelakoak arratsaldeko 20:00etatik aurrera atera beharko dira, adierazitako egunean. Gaur egun, sistema honekin, traste zaharren %60a aprobetxatzea lortzen dela.

Ostegunean gauean norbaitek ezinezkoa badu trasteak ateratzea, Urretxu, Ordizia edo Beasaineko Garbigunera eramateko aukera ere badago.

Zigorra

Herriko Udala eta Sasietatik gogoratzen da debekatuta dagoela hondakinak lurrean uztea; hondakinak sailkatuta dagokion edukiontzian sartu behar dira; eta tamaina handiko trasteak ateratzeko egutegia errespetatzea eskatzen da. Arau-haustea gertatzen bada, zigorra jarriko da.

Recibe nuestras newsletters en tu email

Apúntate