Diario Vasco

Bihartik aurrera ekitaldi ugari izango dira Larraulen kultur astearen baitan

Kultur Astearen baitan, bihartik aurrera ekitaldi ugari izango dira Larraulen. Bihar igandea, eguerdiko 12:00etan Karlos Irazuk eginiko '2016 Hegaldi Larraulen' eskultura sortaren inaugurazioa izango da. Astelehenean, arratsaldeko 18:00etan, Larraulgo gazteen eskutik, urteko argazki diaporama izango da ikusgai Kultur Etxean. 19:00etan, Iparraldeko Dantzarien Biltzarraren eskutik, 'Xiberuako maskaradak, pertsonaiak eta zentzua' hitzaldia eskainiko du Johañe Etxebestek kultur etxean. Asteartean, 19:30ean, urteak martxan daramatzan Aiztondoko denbora bankuak bere aurkezpena egingo du kultur etxean. Asteazkenean, iluntzeko 19:00etan Jakoba Erre-kondoren 'Bizi Baratzea' liburuaren aurkezpena izango da kultur etxean. Ostegunean, 19:00etan, Sasseta defentza lineri buruzko hitzaldia, Arantzadiko Karlos Almortzaren eskutik egongo da kultur etxean. Ostiralean, hilak 25, 19:30ean, 'Putinen guardasola' antzezlana eskainiko du Inaxio Tolosa eta Ramon Agirre aktoreek San Esteban elizan. Hilak 26, larunbata, 9:00etan urte hasieran hasitako linuaren prozesuari amaiera emango zaio muzeo atarian. Bertan, aintzinako lanabesak eta linua lantzeko modua ikusgai izango dira. 18:00 Break Dance emanaldia eta ikastaroa Txino eta Na keden eskutik San Esteban plazan. Hilak 27an, plazatik emango zaio hasiera aurtengo mendi ibilaldiari. Arratsaldeko 18etatik 20etara 2017ko egutegiaren argazki aukeraketa udaletxeko atarian.

Recibe nuestras newsletters en tu email

Apúntate