Diario Vasco

Paisaiarako Planaren proposamenen sailkapen zehatza egingo da

Paisaia. Hartu daitezkeen neurrien berri abenduaren 1ean egingo den bileran emango dute.
Paisaia. Hartu daitezkeen neurrien berri abenduaren 1ean egingo den bileran emango dute. / GALILEA
  • Abenduaren 1ean herritar guztiei irekitako bilera bat egingo da, arratsaldeko 19:00etan hasita udaletxean

Parte hartze prozesu baten barruan kokatu da Ezkio-Itsason amaitu berri den Paisaiarako Ekintza Planaren burutzea. Bilerak, eztabaidak, herrian dauden beharrak... teknikariekin batera herritarrek ere parte hartu dute hasieratik prozesu honetan eta orain, guztiz amaituta eta txostena prest dagoela, honen emaitza ezagutaraziko dituzte honetarako antolatu den bilera ireki batean.

Ezkio-Itsasoko Santa Lutzi-Alegia bailararen Paisaiarako Ekintza Plana idatzi du Sigi Saga enpresak eta dagoeneko lana amaituta dago, hau guztia azaltzeko abenduaren 1ean herritar guztiei irekitako bilera bat ospatuko delarik, arratsaldeko 19:00etan hasita herriko udaletxean.

Herriaren lur eremuak sailkatu eta bakoitzean paisaiaren inguruan egin daitezken hobekuntzak planteatu izan dira plan honen barruan. Herritarrekin, herrian ospatu diren bilera desberdinetan, beraien ekarpenak gehitu dituzte eta honekin guztiarekin prestatu dute Sigi Saga enpresakoek txostena. «Herritarrekin ospatutako bileran ondorio batzuk atera ziren eta abenduaren 1ean ondorioak azalduko dituzte», azaltzen du Garikoitz Aiesta Ezkio-Itsasoko alkateak.

Hobekuntza eta berrikuntza desberdinak planteatzen dira planean, baina hauek guztiak hurrengo urtean jarri ahal izango dira martxan, Ezkio eta Itsaso bakoitza bere kabuz, eta herri bakoitzeko Udalak egokia ikusiz gero.

«Paisaiarako Ekintza Planeko lanketan neurri batzuk planteatzen dira egungo egoera hobetzeko eta hori hurrengo aurrekontuetan bai Ezkio bere aldetik eta baita Itsaso bere aldetik ere zer gauzatu eta zein pauso eman planteatu beharko dute. 2016an ez zen planteatu ezer egitea herrian ez genekielako lanak zer esango zuen eta aurrera begira herri bakoitzari tokatuko zaio erabakitzea», dio herriko alkateak. «Hurrengo aurrekontuetan Udal bakoi-tzak jakingo du nola aurrera egin, bakoitzak ikusiko du bere aldetik nola exekutatu: Udalak erabaki zer egin behar den, herritarren parte hartzea eskatu edo ez... norbera bere kabuz».

Siga Saga enpresakoek, egindako lanaren ondorio, zein neurri zuzen-tzaile aplikatzeko moduan egongo litzateke azalduko dute abenduko bileran; proposamenak mailatan banatuta azalduko dira. «Interesa-mailaren arabera kategoriatan banatuko dituzte proposamenak: interes nagusikoak eta interes gutxigokoak. Proposamen bakoitzak ez du balorazio ekonomiko zehatzik izango baina bai tarte baten barruan kokatu: merkeak, ertainak eta garestiak, zerbait esatearren», Aiestak.

Recibe nuestras newsletters en tu email

Apúntate