Diario Vasco

Zegamako Baratze Parkean lursail bat eskuratzeko aukera

Baratza. Baratza jartzeko partzelak eskuragarri daude.
Baratza. Baratza jartzeko partzelak eskuragarri daude. / GALILEA
  • Partzelek 60 metro koadroko azalera dute eta deialdia goierritar guztiei luzatzen zaie

Zegamako Baratze Parkean lursail libreak daude bara-tzeak kokatzeko eta hauetako bat eskuratzeko interesa duten goierritar guztiei hau lortzeko eskaera egiteko aukera luzatzen die Zegamako Udalak.

Zegamako Baratze Parkea Aizkorri mendi lerroaren magal batean aurkitzen da, San Bartolome auzoan, Anduetza Parketxearen alboan. Guztira 60 partzela dituen baratze zabala da, eta partzela bakoitzak 60 m2-ko azalera du. Zegamako Udalak, oraindik lursail batzuk libre daudenez, partzela bat eskatu eta eskuratu daitekela gogorarazi nahi die bai zegamatarrei eta baita Goierriko beste herritar guztiei ere.

Sareko beste Baratze Parke guztiak bezala, Zegamakoak ere, autokontsumorako, baratzezaintza ekologikoa egiteko aukera eskaintzen die herritarrei. Aldagela eta biltegi bezala erabiltzen den etxola ere badu baratzeak, baita baratzekide guztientzako erremintak ere. Gainera, Baratze Parke Sareak eskaintzen dituen beste zerbitzuak ere eskuratu ditzakete bertako erabiltzaileek: doako tailerrak, laguntza teknikoa, aholkularitza, ekintzak...

Eskaerak

Zegamako Baratze Parkean lursail bat eskuratzeko interesa duten goierritar guztiek eskaera egin dezakete Zegamako Udaletxera deituz, 943 801 115 telefono zenbakira.

Zegamako Baratze Parkearen informazio zehatzagoa nahi duten guztiek, Baratze Parke Sareko webgunean aurkitu dezateke, hurrengo helbidean: http://baratzeparkea.ekogunea.eus/eu/sarea/gipuzkoako-baratze-parkeak/pa-16/.

Recibe nuestras newsletters en tu email

Apúntate