Diario Vasco

Bi hilabeterako peoi lanpostu deialdia herrian

Udaletxea. Peoi lanposturako deialdia luzatu du Ezkio-Itsasoko Udalak.
Udaletxea. Peoi lanposturako deialdia luzatu du Ezkio-Itsasoko Udalak. / GALILEA
  • Zeregin desberdinetan udal aguazilaren laguntzaile gisa arituko da peoi berria

Ezkio-Itsasoko Udalak peoi lanposturako deialdia luzatzen du, hainbat zereginetan udal aguazilaren laguntzaile gisa aritzeko; postu honetara hautatzeko izen-ematea zabalik dago dagoeneko.

Herriko aguzilak lan ugari aurrera eramaten ditu herrian eta hauetako batzuetan laguntzeko peoi baten beharra izango du hurrengo hilabeteetan, honez gero, postu hau betetzeko, Udalak deialdia zabaldu du herrian. Peoi berriak bi hilabeteko kontratua izango du gutxi gorabehera, eta honetara hautatu nahi dutenek baldintza batzuk bete beharko dituzte: adinez nagusia izatea, Ezkio-Itsasoko udal biztanleen erroldan erroldatuta egotea; euskaraz hitz egiten jakitea; B1 motako gidatzeko baimena edukitzea; an-tzeko lanetan esperientzia izatea; langabezian egotea; eta Udalarekin inongo zorrik ez izatea.

Postu honetarako hautatua izatea nahi duten biztanleek Ezkio-Itsasoko udaletxean izena emateko aukera dute dagoeneko, bertatik pasa edo informazio gehiago eskuratzeko ere bertara deituz 943 72 13 03 telefono zenbakira. Udaletxeko bulego ordutegia ondorengoa da: astelehenetik ostiralera, goizeko 9:00etatik arratsaldeko 14:00ak arte. Izena emateko epea hurrengo ostegunean, azaroaren 17an, amaituko da.

Irizpideak

Izena emateko epea amaitu eta hautagai guztien arteko aukeraketa egiteko irizpide desberdinak baloratuko dira.

Hautagai bakoitzarekin elkarrizketa bat egingo da; lan esperien-tzia baloratzeko proba praktikoa aurrera eramango da; egoera pertsonala eta familiarra baloratuko da; eta azkenik, lehentasuna izango dute azken bi urteetan lan egin ez dutenek.

Recibe nuestras newsletters en tu email

Apúntate