Diario Vasco

Eskola ondoko haurrentzako parke berriko jolasak prest daude jada

Jolasak. Parke berriko instalazio guztiak kokatuta daude dagoeneko; laster izango dira erabiltzeko moduan.
Jolasak. Parke berriko instalazio guztiak kokatuta daude dagoeneko; laster izango dira erabiltzeko moduan. / GALILEA
  • Eskolako bigarren solairuko obrekin batera egingo da parke berriko inaugurazioa

Poliki-poliki ingurua moldatzen ikusi izan da azken aste hauetan eta azkenean parke itxura hartu du eskola ondoko guneak, dagoeneko jolas guztiak bere lekuan kokatuta daudelarik. Egun gutxitan, herritar txikiek disfrutatu dezaten zabalduko dute.

Hesi batez inguratuta ikusten dugu oraindik Santa Lutziko parke berria, nahiz eta jolasak kokatuta egon azken erremateak falta direlako. «Egun gutxitan amaituta egongo da eta Eskola Txikiko bigarren solairuan egin diren obrekin batera inaugurazio bat egingo dugu. Hauek burutzeko Foru Aldundiko diru laguntza jaso genuenez, Nekazaritza kontseilariordea etortzea gustatuko litzaiguke eta dataren zain gaude», azaltzen du Garikoitz Aiesta alkateak. «Denboran asko luzatuko balitz haurrentzako zabalduko genuke lehenengo, baina ideia dena batera egitea da. Eskolaren kasuan, bigarren solairuan egin beharreko obrak amaituta daude», Aiestak.

Berri-berri eta estreinatzeko zai daude parkeko jolasak: egurrezko tren dotorea, traktore baten itxura duen txirrista, bi ziburu adin desberdinetako haurrei egokitutakoak, sokaz egindako ziburu borobil handia bi haur edo gehiago aldi berean ibiltzeko, oztopo eta jolas deberdinak biltzen dituen etxe eta zubi handia, perretxiko potolo bat... eta gainera lurreko goman margotutako marrazkiei esker jolas deberdinetan aritzeko aukera ere izango dute haurrek.

Recibe nuestras newsletters en tu email

Apúntate