Diario Vasco

Itsasoko Udala kudeatuko duen taldearen aukeraketa egin da

Taldea. Mahaiean eserita, udala kudeatzeko hautatuak izan diren bost bizilagunak.
Taldea. Mahaiean eserita, udala kudeatzeko hautatuak izan diren bost bizilagunak. / GALILEA
  • Foru Aldundiari luzatzen zaio proposamena, honen oniritzia jasotzeko

  • Igandean 16 urtetik gorako 110 itsasoarrek parte hartu zuten bozkan, hauek %76 suposatzen dutelarik

Pausoz pauso Itsasoko desanexioaren prozesua aurrera doa, igandean itsasoarrek herriko Udala kudeatzeko ordezkarien bozka egin zutelarik, dagoeneko boskotea osatuz. Taldea osaturik egonda Foru Aldundira bidaliko da orain proposamena, hauen oniri-tzea beharrezkoa izango baita etorkizunean herrian lanean hasteko.

Ikerketak, txostenak, bilerak, prozesuak, Aldundiarekin adostasuna... Lan handia egin izan da azken hilabeteetan Itsasoko prozesuaren inguruan, bai talde eragilea eta baita Ezkio-Itsasoko Udalak ere eman beharreko pausuak zintzo bete izan dituelarik. Herritarrek espero dutenez, Itsaso udalerri izatearen baiez-koa urtea amaitu baino lehen jasoko dute Foru Aldunditik (dekretua argitzearen zai daude), eta hau gertatzen denerako Itsasoko Udala kudeatuko duen taldea osatu zen igandean, herritarrek emandako botoen bitartez.

Goizeko 10:30etik 13:30ak bitartean izan zuten herritarrek bozka emateko aukera. Azken astetan egindako lana eta bost hautagaien izenen proposamena aurreko astean egindako herri batzarrean azaldu zitzaien herritarrei; dena den, boskote honetaz gain, beste herritar orori botoa emateko aukera zabaltzen zitzaien. Guztira hamasei urtetik gorako 145 herritarrek zuten botoa emateko aukera eta 110 hurbildu ziren mahaietara, %75'9 izanik. Ordua iritsi eta bai Alegiko mahaietako arduradunek eta baita Itsasokoek ere botoak zenbatu zituzten, azkenean Itsasoko Udal Aretoan bilduz azkeneko emaitza jakin ahal izateko.

Emaitza

Proposatutako bost bizilagunetaz aparte beste izen batzuk ere azaldu zien bozkan baina boto gutxi ba- tzurekin, gehiengoa eta boto berdin-tsuekin batera, boskoteak jaso zuen. Horrela, Udal berria kudeatzeko Itsasotik proposatzen den taldea hauek osatuko dute: Gorka Sasieta Barrenetxea (107 boto jaso zituen); Joxemari Barrenetxea Aldanondo (106 boto); Anttoni Okariz Gorrotxategi (102 boto); Maixabel Olanga Zabala (99 boto) eta Xabier Elgarresta Mintegi (105 boto).

Talde osatuta, Aldundiaren hitza besterik ez da falta lanean hasteko; lan banaketak eta alkatearen lana egingo duenaren izena ere oraindik ez dute erabaki, taldea hitz egin eta beraiek proposatuko dutelarik.

«Foru Aldundiak dekretua argitaratzen duenerako, Udala kudea-tzeko ordezkariak hautatu ditugu gaurkoan. Egun lasaia izan da eta bizilagun askok parte hartu dute aukeraketa honetan, beraz oso pozik gaude. Oso talde handi baten elkarlana izan da eta denon iritzia garrantzitsua dela dakien herria dugu», azaltzen dute itsasoarrek. Behin udalaren kudeaketa egingo duen taldearen aukeraketa eginda, proposamena Foru Aldundiari luzatu behar zaio, azken finean hauen oniritzia funtsezkoa izango baita.

Recibe nuestras newsletters en tu email

Apúntate