Diario Vasco

Itsasoko Udalerako ordezkariak aukeratzeko bozketa bihar goizean

Bilera. Emandako pauso guztiak herritarrei azaltzeko bilera antolatu zuten orain dela aste bete itsasoarrek.
Bilera. Emandako pauso guztiak herritarrei azaltzeko bilera antolatu zuten orain dela aste bete itsasoarrek. / I.A.B.
  • Mahaiak Itsasoko Udal Aretoan eta Alegiko elkartean egongo dira; bozkatzeko ordutegia goizeko 10:30etik 13:30etara izango da

Aurrera doa pausoz pauso Itsasoko desanexioaren prozesua, oraindik Foru Aldundiaren azken erantzunaren zai egonda ere, lanean jarraitzen dutelarik. Orain dela aste batzuk herritar guztiei luzatu zitzaien deialdia azken astetan emandako pausoak ezagutarazteko eta hautaketaren gorabeherak azaltzeko, eta igande honetan Itsasoko Udalerako ordezkariak aukeratzeko bozketa aurrera eramango da.

Urriaren 28an egin zen azkeneko herri batzarra Itsason, honetan, aurreko asteetan lantalde zabal batek landutako proposamenak aurkeztu eta landu zirelarik. Lan talde honek Itsasoko Udalari begira burututako irizpideak azaldu zizkieten herritarrei. Hasteko, Itsasoko Udalaren kudeaketa herritarrengandik gertutasunean, begirunean, gardentasunean eta partaidetzan oinarritzea dela helburua azaldu zuten; eta jarraian, honetarako Batzorde Kudea-tzailea osatzeko egokitzat jotzen diren irizpideak kontutan hartzea: azken urte eta erdian udalean parte hartu duten zinegotzien ezagutza eta jarraikortasuna.; lehendik udalean esperientzia izandakoen parte-hartzea; herriko eremu/zozkera desberdinetakoak izatea eta etxe bakoitzetik bakarra; ahal dela, adin eta belaunaldi guztiak ordezkatuak izatea; gizon eta emakumeen arteko parekidetasuna egotea; eta prestakuntza eta ibilbide anitzez lantaldea aberastea.

Aurreko irizpideak kontuan hartu eta prest dauden pertsonen borondatea uztartuz, bost bizilagunen hautagaitza aurkeztu zitzaien herritarrei bilera honetan. Hala ere, bai bost hauei eta baita edozein herritarrei ere bozkatzeko aukera egongo da igandean, Udal- ordezkari izateko.

Bozketa

Bozketa bihar igandea aurrera eramango da, honetarako bi mahai kokatuko direlarik: bata Itsasoko Udal Aretoan eta bestea, Alegiko elkartean.

Bozkatzeko ordutegia goizeko 10:30etik arratsaldeko 13:30ak artekoa izango da eta honetan, Itsason erroldatutako 16 urtetik gorakoek parte hartzeko eskubidea izango dute. Mahaiak 13:30ean itxiko dira eta jarraian kontaketa irekia aurrera eramango da mahai bakoitzean. Azken emaitza Itsasoko Aretoan izango da.

Recibe nuestras newsletters en tu email

Apúntate