Diario Vasco

'Beldur Barik Jarrera!' lehiaketan parte hartzeko azken egunak

Jarrera. Ezkio-Itsasoko Udaletxeko murala.
Jarrera. Ezkio-Itsasoko Udaletxeko murala. / GALILEA

Beldur Barik programak 'Beldur Barik Jarrera!' lehiaketaren zazpigarren edizioa antolatu du. Lehiaketarekin emakumeek jasaten duten bereizkeria egoerei aurre egiten dioten neska-mutilen arte-adierazpen mota oro onartu, baloratu eta bultzatzen da. Honen inguruan, bai Urola Garaia mailan eta baita Euskal Autonomia Erkidego mailan antolatu den lehiaketan parte hartzeko aukera dute gazteek, lanak bidaltzeko azken eguna azaroaren 9a izango delarik.

Parte hartzaileak bi kategoriatan banatuko dira adinaren arabera: lehenengo kategorian 12-17 urte bitartekoak; eta bigarrenean, 18-26 urte bitarteko gazteak. Banaka zein taldeka parte hartu daiteke, ikastetxe, ikasgela edo elkarte gisa. Taldeko norbaitek 18 urte edo gehiago baditu, proiektua 2. kategorian sartuko da zuzenean. Pertsona eta talde bakoitzeko, gehienez, hiru proiektu aurkeztu daitezke.

Lehiaketatan parte hartzeko www.beldurbarik.org webgunean dagoen formularioa bete beharko da eta plataforma bidez bidali.

Sariak

Erkidegoaren kasuan lehenengo saileko saria 500 eurokoa izango da, eta aipamen berezia 300 eurokoa; bigarren saileko saria 500 eurokoa eta saileko aipamen berezia 300 euro; ikus-entzunezko ekoizpen onenari saria 300 eurokoa; eta herriaren saria, beste 300. Urola Garaiaren kasuan kategoria bakoitzeko lehenengo saridunak 350 euro jasoko ditu, eta bigarrenak 250, biak Ilinti eta Bitartean merkatari elkarteen dendetan erabiltzeko.

Recibe nuestras newsletters en tu email

Apúntate