Diario Vasco

Anbulategi berriko obren pleguak onartu ditu Udalak

Gaur egun. Eskolatik metro batzuetara kokatzen da.
Gaur egun. Eskolatik metro batzuetara kokatzen da. / GALILEA
  • Herriko anbulategi berria Errekabarrena auzoan kokatuko da, haurreskolaren ondoan dagoen lokalean

Aurreko astean Udal Osoko Bilkura ospatu zen Ezkio-Itsasoko Udaletxean, eta bertan jorratutako gaien artean anbulategi berriko obrak egiten hasi baino lehen beharrezkoak diren baldintzen plegua onartu zuten aho batez, prozedurarekin aurrera jarraituz. Anbulategi berriko proiektuaren obren lizitazioa abian jartzeko, ekonomiko-administratibo baldintzen plegua onartzea egin zuten azken bilkuran. Teknikoek azken momentuan datuak bidali arren, presupostua ezagutzeko aukera izan zuten zinegotziek bilkuran bertan. «Obren presupostua 164.000 eurokoa da BEZ-a barne, eta prozedurari dagokionez enpresei gonbitea luzatuko diegu beraien eskaintzak aurkeztu ditzazten», azaldu zuen Martin Iparraguirre idazkariak.

Gonbitea zazpi enpresa desberdinei luzatu zaie: Etxaide, Iparragire, Antio, Iturrioz, Alzamendi , Elorbe eta Sasoi. «Orain epe bat jarriko da eskaintzak aurkezteko eta esandako egunean gutun azalak ireki, eta obrak egingo dituen enpresa aukeratuko da», azaldu zuen alkateak. Anbulategi berriaren obrak, 2016ko aurrekontutan sartutako proiektu bat da eta esandako lizitazioa egindakoan martxan jarriko dela adierazi zuten bilkuran. «Obra hauekin, gaur egungo eraikina hustuko litzateke eta Errekabarrena auzoko lokal batera aldatu, haurreskolaren ondoan dagoenaren egokitzapena eginez», alkateak.

Gripea

Gripearen aurkako txertaketa kanpaina hasi da dagoeneko eta urriaren 17tik abenduaren 15era egongo da herriko anbulategian hau jartzeko aukera.Txertoa jartzeko egunero joan daitezke bizilagunak Santa Lutzia auzoan kokatuta dagoen anbulategira, goizeko 10:00etatik 11:00ak bitartean. Ordutegi honetatik kanpo behar izanez gero, Zumarragako anbulategira joan beharko dira eta honetarako aldez aurretik hitzordua hartu beharko da 943035220 zenbakira deituz.

Recibe nuestras newsletters en tu email

Apúntate