Diario Vasco

Oreiñakoek uste dute eguraldia ehizarako aproposa izango dela zubi honetan

Postuak. Ehiztariak herriko ehiza postu batean.
Postuak. Ehiztariak herriko ehiza postu batean. / J.M. ZUMARRAGA

Aurrera doa ehiza denboraldia eta aste hauetan uso gutxi izan diren arren, datozen egunetarako eguraldi aproposa izango dutela uste dute Ezkio-Itsasoko Oreiña elkartekoek. «Aurtengo denboraldia birigarro batzuekin hasi izan da, eta aurreko igandean ere uso bando batzuk pasatu ziren,baina hemengoak, hemen asentatuta dauenak», azaltzen dute Oreiña elkartetik. «Jendeak esaten du momentu honetan eguraldi ederra dagoela Frantzian eta artoa ere moztu berri dutela; honez gero bando handiak omen daude bertan asentatuta eta gurera ez direla etortzen. Bestalde, haize asko dagoenean kostaldera joaten dira, Zumaia aldera», diote.

Ehiztarien esanetan, aurten birigarroak egon izan dira, baina usoei dagokienez, hauek pare bat egunetan besterik ez dira hemen egoten. Hala ere, hurrengo jai egunetarako eguraldi ederra izatea espero dute. «Asteburu honetan eguraldi nahiko ona datorrela ematen du, hego haizea egingo duela dirudi eta ilusio handiarekin gaude ehizarako egun aproposak izango direlakoan», Oreiña elkartetik.

Zozketak

Ezkio-Itsason hirurogei bat ehiza-postu zozketatzen dira egunero, larunbatetan izan ezik, ostiralean bi zozketa burutzen direlarik.

Zozketak iluntzeko 20:30etik aurrera eramaten dira Ezkio-Itsasoko Anduaga elkartean, ordu erdi lehenago izenak bertan ematen direlarik.

Recibe nuestras newsletters en tu email

Apúntate