Diario Vasco

Taloak egiteko tailerra, larunbatean museoan

Haurrak Legazpin, aurrera eraman zen azken ekintzan.
Haurrak Legazpin, aurrera eraman zen azken ekintzan. / GALILEA

Hip Hip Urri! ekimenean parte hartu du aurten gure baiarak Legazpin eta Ezkio-Itsason aurrera eraman diren ekin-tza desberdinekin. Familietako kultur aisialdia sustatzeko sortu zen ekimen honen azken tailerrak larunbata honetan aurrera eramango dira, Ezkio-Itsason izango den ekintzan oraindik izena emateko aukera dagoelarik.

Arratsaldeko 16:30ean hasiko da Ezkio-Itsasoko Igartubeiti Baserri Museoan taloak egiteko tailerra. Honetan lau urtetik gorako haurrak dituzten familiek izango dute parte hartzeko aukera, taldeak adinaren arabera osatuko direlarik. Tailer honetan taloak eta morokila egingo dute, behar diren azalpenak eman, osagaiak eta prozesua ezagutu ondoren.

Tailerra doakoa izango da, baina honetan parte hartzeko aldez aurretik izena eman beharko da beharrezkoa den materiala prestatu ahal dezaten. Honetarako 943.72.29.78 telefono zenbakira deitu beharko da edo www.igartubeitibaserri.eus helbidera jo, bertan inskripzioa betez.

Recibe nuestras newsletters en tu email

Apúntate