Diario Vasco

Dolarearen hotsa herrian nagusi da

Zanpaketak. Egunero aurrera eramango dira zanpaketak dolarean, hilaren 14ra arte, beti goizez izango direlarik.
Zanpaketak. Egunero aurrera eramango dira zanpaketak dolarean, hilaren 14ra arte, beti goizez izango direlarik. / GALILEA
  • Hilaren 14ra arte sagarra eta sagardoaren munduan murgiltzeko aukera izango da bertan, denboran atzera pauso bat emanez

Asteazkenean goizean jarri zen martxan Igartubeitiko dolarea, aurten lehenengo aldiz, eta honek hilaren 14ra arte izango du sagarra protagonista, Sagardo Asteko ospakizunak direla eta.

Urtean behin ikusi dezakegu Igartubeiti bizi-bizik. Baserriko estruktura mugimenduan, sagar usai gozoa nonahi eta festa giroan Sagardo Astea aurrera eramaten delarik, honen egitaraua ekintzez josita.

Egunero izango ditugu goizez zanpaketak; asteburu honetako jai egunetan Kortabarria familiaren antzezpenak ikusteko aukera izango da, aurtengoan Urretxu-Zumarragako Karmakros taldekoen esku; edo kirikoketaren erritmoaz goza-tzeko aukera ere asteazkenean.

Aurten gastronomia bultzatu nahi izan dute museokoek eta honen inguruan familientzako tailer-gastronomiko sentsoriala izango dugu larunbatean; Sagar Dultze dastaketa ostegunean, errezeten lehiaketa edo sagarre erakusketa atarian. Gainera, herriko ostatu eta tabernek ospakizunarekin bat egin nahi izan dute eta 'Sagardo Astea' menu berezia eskainiko dute egun hauetan, hilaren 14ra arte.

Recibe nuestras newsletters en tu email

Apúntate